Almanak Ólafs S. Thorgeirssonar - 01.01.1945, Page 81

ALMANAK
81
alla Islendinga í New York, svo að þeim gæfist tækifæri
til að koma til fundar við forseta og utanríkisráðherra.
Komu þangað um 300 manns.
Ávarpaði aðalræðismaður báða heiðursgestina hlýjum
þakkar- og kveðjuorðum, en þeir svöruðu með gagnorð-
um ræðum, er var ágætlega tekið. Mælti forseti meðal
annars á þessa leið:
“Jeg varð þess var á ferðum mínum um Island, að það
er vorhugur með þjóðinni. Ferðalag mitt, sögðu mér
margir að væri framhald af 17. júní. Þessi ferð er nokk-
urskonar framhald af þeirri ferð, og ekki vissi eg fyrr en
eg sá ykkur öll hér hversu Island er stórt. Því að þar er
ísland, sem íslenzk hjörtu slá. Jeg óska þess og bið að
andinn frá 17. júní megi um aldir lifa með íslenzku þjóð-
inni, austan hafs og vestan.”
Um hádegi daginn eftir fór fram opinber móttaka hjá
borgarstjóra New York borgar í ráðhúsi borgarinnar, og
var sú athöfn mjög viðhafnarmikil. Flutti LaGuardia
borgarstjóri mjög vingjarnlega ræðu í garð forseta og
íslenzku þjóðarinnar, og lauk máli sínu með þessum orð-
um á íslenzku:
“Herra forseti! Viljið þér bera kveðjur fólksins hér í
borginni til þjóðar yðar. Skilið til hennar að það beri vin-
semdarhug í brjósti til hennar og óski henni alls hins
bezta. Lengi lifi hið íslenzka lýðveldi!”
Þakkaði forseti með prýðilegri ræðu á ensku, sem var
mjög vel tekið; var henni jafnframt útvarpað og hlýddu
því fjölda margir á hana, auk margmennis þess, sem safn-
ast hafði saman á ráðhústórginu.
Að móttökuathöfninni lokinni var aftur haldið til
Waldorf-Astoria hótelsins, en þar hélt forseti föruneyti
sínu og nokkrum öðrum vinum, meðal þeirra Vestur-
Islendingunum, hádegisverð að skilnaði, og mun hin
persónulega og ljúfmannlega kveðja hans við það tæk-
ifæri verða öllum viðstöddum minnisstæð.