Almanak Ólafs S. Thorgeirssonar - 01.01.1953, Qupperneq 27

ALMANAK 27
íslenzka í Washington og af heimsókn sinni og ræðuhöld-
um meðal landa sinna hérlendis.
Ásgeir Ásgeirsson forseti er prýðilega ritfær maður,
enda liggur margt eftir hann á prenti, og ræðumaður
ágætur. Má í því sambandi minna á hina snjöllu og ítur-
hugsuðu hátíðarræðu, er hann flutti á Alþingishátíðinni,
og vakti að verðugu mikla hrifningu.
Með sama handbragði fagurs málfars, hugsun hlaðið
og þrungið alvöru, var fyrsta forsetaávarp hans til ís-
lenzku þjóðarinnar, sem einnig á erindi til vor bama
hennar vestan hafsins, en þessi voru niðurlagsorðin:
“Hinna stærstu verðmæta getum vér notið í samein-
ingu, þau eru einföld, hljóðlát og göfgandi. Þjóðemið er
okkar einkunn, svipur landsins, samhengi sögunnar og
samhugur vor allra, sem nú erum uppi. Öll landsins börn
eiga jafnan rétt til menningararfsins mikla, eftir því sem
þeim er áskapað að njóta hans og ávaxta. Rótlaus lýður
verður ekki langlífur í neinu landi. Ef vér finnum sam-
hengi liðinna kynslóða og eining allra þeirra, sem nú
byggja landið, í sál okkar á hátíðlegum stundum, þá höf-
um vér í spenntum greipum það krossmark, sem fjand-
samleg öfl flýja fyrir. Ef ég á mér ósk á þessari stundu,
sem ég vona, þá er hún sú, að mér auðnist að taka starf-
andi þátt í lífi þjóðarinnar, njóta í yðar hóp hátta lands-
ins, sögu, bókmennta og daglegra starfa á þann veg, að
öryggi og menning fslands fari vaxandi. Vér trúum á
landið, treystum á þjóðina og felum oss forsjá Guðs. Hann
blessi oss og varðveiti á viðsjálum tímum.”
Undir þau spaklegu orð hins nýja forseta íslenzka
lvðveldisins tökum vér heilum huga, um leið og vér biðj-
um honum og frú hans ríkulegrar blessunar í virðulegu
og mikilvægu starfi þeirra í þágu lands og þjóðar.