Kirkjuritið - 01.12.1939, Page 41

Kirkjuritið.
Jólin.
383
Gott er að mega ganga í veizlusalinn
gleði að njóta meðal bræðra sinna,
þar sem að enginn öðrum meiri er talinn,
alstaðar má hið sama hugtak finna.
..Fögnuður lífs og friður sé með yður,“
fagnandi í drottins nafni sérhver biður.
Líður að kveldi, leiftur himins skína,
ljós eru tendruð, skíði brenna á arni.
Faðir vor, sendu frið í sálu mína,
fögnuð og ástúð hverju þínu barni.
Enginn má verða úti um blessuð jólin,
öllum sé boðuð guðleg náðarsólin.
Guðrún Jóhannsdóttir
frá Brautarholti.