Kirkjuritið - 01.04.1977, Side 39

Sjómannasálmur
Lag: Eteral Father strong to save.
Ó, Faðir alls um allan heim,
þú einnig stjórnar bylgjum þeim,
sem eirðarlaust um úthafsdjúp
sig einatt klæða björtum hjúp, —
ó, bænheyr oss og blessa þá,
sem búa ’ og starfa sjónum á!
Þitt vald, ó Kristur, sollinn sæ
gat svæft, og vinda gert að blæ.
Um hrannir gekkstu greitt sem láð;
þér gegndi höfuðskepnan bráð.
Ó, bænheyr oss og blessa þá,
sem búa og starfa sjónum á!
Guðs Andi,’ er vötnum yfir sveifst
og allt til kyrrðar forðum hreyfst,
og bráðum ofsa bærðir við
en bjóst í stað þess lög og frið, —
ó, bænheyr oss og blessa þá,
sem búa' og starfa sjónum á!
Þú eilíf Þrenning, ástin þín
og undramáttur hvergi dvín, —
ó, frelsa, vernda, ver þeim hjá,
sem verða’ að starfa sjónum á!
Gef sí og æ um sæ og jörð
þér syngi fleiri þakkargjörð.
Ebenezer Ebenezerson þýddi.