Kirkjuritið - 01.04.1977, Síða 60
C. H. DODD:
Höfundur kristindómsins
(The Founder of Christianity, Collins, Fontana Books 1972)
Sr. Gunnar Björnsson sneri á íslensku
3. kafli
Maðurinn
Ég sagði hér að framan, að orð Jesú
og ummæli bæru það með sér að vera
ekki smíð margra ólíkra manna, heldur
einstaklings. Til þess að ganga úr
skugga um þetta, mætti ef til vill
spyrja: Er hægt að lýsa einkennum
persónuleikans, sem þessi orð spegla?
„Stíllinn er maðurinn" er stundum
sagt. Hvað um stílinn á kenningu Jesú,
eins og hana er að finna í guðspjöll-
unum? Unginn úr henni er í stuttum
og hnittnum setningum, stingandi og
nærgöngulum á stundum, oft torræð-
um, hlöðnum þverstæðum og gæddum
skopi. Allt ber orðasafnið, sem geymir
kenningu Jesú, með sér mark, sem
ekki er auðvelt að villast á, þótt farið
hafi um margra hendur. Örðugt er að
ímynda sér, að það sé listileg upp-
suða frumkristinna kennara. Frumleg-
ur og upprunalegur svipur leynir sér
ekki. Hann ber vitni um persónu, sem
er snör í hugsun og beinskeytt oQ
hittir naglann á höfuðið vafningalaust.
Langir kaflar eru prýddir sérkenni-
legri hrynjandi, sem ekki fer forgörð-
um, þótt þeir hafi verið þýddir tvisvar:
fyrst úr arameísku á grísku og síðan
úr grísku á íslensku. Stundum virð-
ist grískan aðeins þunn skel utan á
kjarna, sem fellur fullkomlega inn í
bragarhætti hebreskrar og arameískrar
Ijóðlistar. Oftar er þó hrynjandin
næsta frjálsleg, en gædd aðdáanlegn
jafnvægi og hugsunin rímar. Lítum á
eftirfarandi dæmi, sem hjá Matteusi
og Lúkasi er ögn mismunandi að orða-
lagi, þótt ekki verði villst á rmynstr-
inu:
„Verið ekki áhyggjufullir um lífið,
hvað þér eigið að eta eða hvað þér
eigið að drekka, ekki heldur um
líkama yðar, hverju þér eigið að
58