Gripla - 01.01.1984, Blaðsíða 117

RÉGIS BOYER
VITA — HISTORIA — SAGA
Atlmgun formgerðar
ERINDI FLUTT VIÐ HÁSKÓLA ÍSLANDS 20. SEPTEMBER 1983
Því er ekki að neita að sá heiður sem mér er sýndur með því að bjóða
mér að tala hér í Háskóla Islands sem opinberum fulltrúa fræðimanna
í landi mínu veldur mér nokkrum kvíða. Þótt ég sé kunnugur ýmsum
þekktustu háskólum í okkar gömlu Evrópu, hefur Háskóli íslands
jafnan komið mér fyrir sjónir sem pro-janum, svæðið helga sem leiðir
beint til hins allra helgasta í fræðum okkar. En óstýrilátum raddbönd-
um mínum, sem fjörutíu ára þjónusta við of mörg tungumál hefur af-
lagað, hefur aldrei tekist að sigrast á torfærum hinnar viðsjárverðu
íslensku. Ef ekki hefðu til komið hughreysting fornvinar míns Jónasar
Kristjánssonar og aðstoð félaga míns og vinar Einars Más Jónssonar,
hefði ég hafnað því hættulega boði að tala hér á íslensku. Ég geri það
því aðeins að ég þekki fullvel takmarkanir mínar og ég veit að í þolin-
mæði ykkar kunnið þið að meta það að Frakki geri tilraun til að ávarpa
ykkur á ykkar eigin tungumáli. Ég treysti því á umburðarlyndi ykkar.
Nú hef ég í tuttugu ár reynt af veikum burðum að vernda og koma
á framfæri menningarverðmætum, sem ég tel að séu ein af uppsprettu-
lindum vestrænnar menningar og megi ekki farast í þeim fellibyl lágkúru
og ómennsku sem nú dynur yfir okkur. Virðið því mér til vorkunnar ef
málfar mitt kemst ekki til jafns við það sem mér er niðri fyrir. Og ég
fullvissa ykkur um að ég met það meira en ég fæ sagt, að ég skuli nú
vera staddur hér og geta ávarpað ykkur við þetta tækifæri.
Norskt blað gerði okkur Hermanni Pálssyni þann heiður fyrir nokkr-
urn vikum að telja okkur oddvita þeirrar hreyfingar sem leitast við að
finna evrópskar rætur þeirra óviðjafnanlegu meistaraverka sem íslensku
fornsögurnar eru. Með þessu hefur greinarhöfundurinn, Hallvard Mag-
erþy, enn einu sinni sýnt alkunna góðmennsku sína. í raun og veru
erum við Hermann aðeins fulltrúar hreyfingar sem telur fyrst og fremst
innan sinna vébanda meistara eins og Turville-Petre heitinn, Peter
Gripla VI — 8