Eimreiðin - 01.04.1923, Side 38
166
TIL HAFS
eimreiðin'''
Stórt skal unnið, eða tapað,
örlög getur hending skapað,
vítt og frjálst er sjónarsvið.
Sjáið hæstu hrannir brotna,
hérna er konunglegt að drotna,
fellur haf við himinskaut.
Hreysti er aðalsmerki mannsins,
máttarstólpi föðurlandsins,
frægðarljómi á farmanns braut.
Jón S. Bergmann.
St. G. Stephansson.
Stefjadísin stórlyndan
Stefán kýs til þinga,
manninn vísa og vaskastan
Vestur-íslendinga.
Frónskur sveinn í ferðum þeim
fer ei seinna en dagur,
svífur einn í söngvaheim,
sem er hreinn og fagur.
Stuðlaföllin frjálsa leið
fram úr öllu greiddu,
álfa’ og tröll um árdags skeið
út úr fjöllum seiddu.
Vestra hallar hlýju dags,
hrímtár falla í skjóli.
Sóley kallar: »komdu strax,
Klettafjalla sjóli!«
Jón S. Bergmann.