Eimreiðin - 01.10.1924, Blaðsíða 32

344
FERÐ VFIR ATLANTSHAFIÐ
eimreiðiN
þokkalega búnar herbergisþernur, og borðalagða embættismenn
með giltum hnöppum, engu ófínni en sýslumenn gerast. Skips-
höfnin var samtals um 700 manns, en farþegar í þetta skipti
rúmir 3000.
4.
»Berengaria« var upprunalega þýsk, tilheyrði Hamborgar-
Ameríku línunni, hét þá »Imperator« (keisarinn) og var stærsta
skip heimsins. Seinna bygðu Þjóðverjar annað stærra og nefndu
»Vaterland«, en bæði þessi skip urðu þeir að láta af hendi i
hernaðarskaðabætur, og fengu Englendingar »Imperator«, en
Bandaríkjamenn »Vaterland« eða »Leviatan«, sem áður er
cetið um.
Hversvegna Englendingar umskírðu »Imperator« og kölluðu
»Ðerengaria«, skal eg láta ósagt, en Berengaria hét drottning
Valdimars sigurs Danakonungs, og þótti bæði fögur kona og
kvenskörungur. Hún er nefnd Beingerður í íslenzkum fornsögum.
Það er sagt, að Albert Ballin formanni Hamborgar-Ameríku
félagsins hafi fallið svo illa að þurfa að láta skipin af hendi»
að hann hafi þess vegna ráðið sér bana. Einkum hafi hann
tekið ástfóstri við »Imperator«, því hann hafði látið gera það
skip eftir sínu höfði og vanda hið bezta, og hann kallaði
það Imperator, til vegsemdar Vilhjálmi keisara, sem hann var
í miklu vinfengi við.
Berengaria var bygð árið 1912, og þykir bezta skip. Hún
hefur farið styzt á tæpum 5]/2 sólarhring frá Southampton til
New Vork. A undan stríðinu keptust þýzku skipin við þau
ensku að flýti yfir hafið. — Eitt sinn var Berengaria fljótust-
Þjóðverjar voru vanir, þegar þeirra skip urðu fyrst til hafnar,
að skreyta þau milli siglutrjánna með rafljósaletri skæru:
»Made in Germany« (þ. e. þýzk vara), en eins og kunnugt
er, var það fyrrum siður Englendinga að láta merkja þannig
allar lakari vörur.
Seinna bygðu Englendingar skipin »Lusitania« og »Mauri-
tania«, sem bæði urðu fljótskreiðari. Mauritania er nú fljótust
allra farþegaskipanna, sem fara vestur um haf. Hún hefur
komist á milli Southampton og New Vork á 4 sólarhringum,
10 klst. og 41 nún.