Tímarit lögfræðinga - 01.07.1956, Side 62

Hversu það lánast verður aðallega komið undir undirtekt-
um stéttarbræðra, að þeir gangi helzt allir í félagsskap
vorn og leggi sem flestir eitthvað til málanna.
Vér, sem kosnir höfum verið í stjórn félagsins, leyfum
oss að vænta sem beztra og bráðastra undirtekta“.
Auk greina ritstjóranna birtust þar greinar eftir nokkra
menn aðra. Má þar nefna Björn Þórðarson fyrrv. ráð-
herra, Einar Arnórsson síðar hrd., Jón Kjartansson sýslu-
mann, og einnig hæstaréttarlögmennina Lárus Jóhannes-
son og Sveinbjörn Jónsson. Aðeins einn og hálfur árgang-
ur kom þó út — 6 hefti. Féleysi mun hafa miklu valdið
að útgáfan hætti á árinu 1924.
1 febrúar 1947 hófst „Orator, félag laganema“ handa
um útgáfu ritsins „tJlfljótur". 1 ávarpi stjórnar félagsins,
sem birtist í 1. tbl. segir á þessa leið:
„Blaðið tJlfljótur, sem nú hefur göngu sína er útgefið
af Orator, félagi laganema. Mun þessi blaðaútgáfa geta
orðið mjög til þess að auka starfsemi félagsins og efla þátt-
töku þess í félagslífi háskólastúdenta.
Fyrirhugað er, að Ulfljótur komi út fjórum sinnum á
ári hverju. Verður hvert blað svipað að stærð og frágangi
og þetta 1. hefti.
Blaðinu er ætlað að flytja efni, sem sérstakt erindi á til
laganema, svo sem fréttir af félagslífi þeirra og greinar,
er varða nám þeirra og skóla. En auk þess mun í blaðinu
verða fróðleikur og gaman öllum þeim, er um lögfræði
hugsa og lögvísindum unna. Verður kostað kapps um að
birta í hverju hefti blaðsins eina fræðiritgerð lögfræði-
legs efnis eftir lærðustu lagamenn þjóðarinnar. Blaðið
á því ekki einungis erindi til laganema, heldur einnig til
allra lögfræðinga í landinu. Er því eigi lítils um vert, að
Úlfljóti takizt sín ganga vel og giftusamlega. Það er ósk
okkar, að allir vandamenn blaðsins leggist á eitt um það,
að svo megi verða. Mun því þá vel farnast.“
Rit þetta hefur komið út nokkurn vegmn reglulega og
eiga laganemar þakkir skildar fyrir áhuga sinn og atorku
188