Tímarit lögfræðinga - 01.12.1975, Blaðsíða 6

Arnljótur Björnsson prófessor:
SLYSATRYGGING SAMKVÆMT LÖGUM
UM ALMANNATRYGGINGAR
1.Inngangur
IIV. kafla laga nr. 67/1971 um almannatryggingar (skammst. ATL)
er mælt fyrir um slysatryggingu ýmissa hópa manna. Stærsti hópur-
inn er launþegar, sem eru slysatryggðir við vinnu og í nauðsynlegum
ferðum til vinnu og frá, sbr. 27. og 29. gr. laganna. Er trygging þessi
því stundum nefnd atvinnuslysatrygging. Það heiti er of þröngt, vegna
þess að slysatrygging skv. ATL nær til ýmissa annarra slysa en vinnu-
slysa, svo sem síðar greinir.
Slysatrygging skv. ATL er opinber trygging. Hún er ein af megin-
greinum almannatrygginga, sbr. 1. gr. ATL. Reglur laga nr. 20/1954
um vátryggingarsamninga (skammst. VSL) gilda ekki um slysatrygg-
ingu þessa eða aðrar tryggingar skv. ATL, sjá 1. gr. VSL.
Sá aðili, sem annast slysatrygginguna, er Tryggingastofnun ríkisins,
sbr. 2. gr. ATL.
ATL nr. 67/1971 hefur verið breytt nokkrum sinnum, m. a. með lög-
um nr. 96/1971, lögum nr. 112/1972, lögum nr. 62/1974, lögum nr. 13/
1975 og lögum nr. 39/1975. Hér á eftir er tekið tillit til framangreindra
lagabreytinga og vísað til greina í ATL svo breyttra, án þess að sér-
staklega sé vitnað til breytingarlaganna. Fjárhæðir slysatryggingar-
bóta eru ákveðnar með reglugerð, en í 78. gr. ATL segir, að verði breyt-
ing á vikukaupi í almennri verkamannavinnu, skuli ráðherra innan
6 mánaða breyta bótaupphæðum skv. lögunum í samræmi við það. Auk
þess hafa bótafjárhæðir verið hækkaðar sérstaklega með lögum í
tengslum við annars konar almennar efnahágsráðstafanir, sjá 8. gr.
laga nr. 13/1975. Síðasta almenn hækkun bóta almannatrygginga var
gerð með reglugerð nr. 328/1975. (Þetta er ritað í desember 1975.) Er
hér á eftir miðað við fjárhæðir skv. reglugerð þessari.
144