Tímarit lögfræðinga - 01.12.1975, Blaðsíða 58
dómarar utan Reykjavíkur; einnig eru ríkissaksóknari og vararíkissaksóknari
félagsmenn D.R.
Dómaraþing er haldið árlega f október eða nóvember og stendur tvo daga.
Þá eru haldnir þrír aðalfundir, þ. e. aðalfundir D.R. og Sýslumannafélagsins,
þar sem kjaramál og önnur sérmál eru rædd, og svo aðalfundur Dómarafé-
lags Islands, þar sem umræður um nýmæli í lögum og fræðileg efni skipa
stóran sess, svo og ýmis málefni er varða dómgæsluna í landinu og dómara-
stéttina í heild.
I ár var aðalfundur Dómarafélag Islands, sem haldinn var dagana 13. og
14. nóvember, með mjög hefðbundnu sniði. Samkvæmt venju flutti dóms-
málaráðherra ávarp að lokinni þingsetningu og fjallaði um réttarfarsmálefni
og rakti að nokkru efni þeirra frumvarpa þar að lútandi, er hann hyggst leggja
fyrir yfirstandandi Alþingi. Einnig fjaliaði hann um ýmis atriði varðandi' sam-
skipti dómsmálaráðuneytisins og dómstólanna. Að þessu sinni dvaldist hon-
um þó lengst við löggæslumálefni og þá einkum þann þátt er bætt löggæsla
gæti átt í því að draga úr umferðarslysum, en mikil slysaalda í umferðinni
gekk einmitt yfir nokkru áður.
Fjármálaráðherra ávarpaði einnig þingið og ræddi málefni síns ráðuneytis,
en sem kunnugt er fer meginhluti ríkistekna um hendur félagsmanna D.í. á
leið sinni í ríkissjóð. Að venju hvatti ráðherrann til skeleggra innheimtuað-
gerða og minnti á að innheimtukerfið væri sá hornsteinn sem öll starfsemi
ríkisins hvíldi á.
Formaður Lögmannafélags islands, Páll S. Pálsson, flutti einnig ávarp, en
venja er að formaður L.í. sé heiðursgestur við þingsetninguna. I ávarpi sínu
vék hann að nokkrum sameiginlegum áhugamálum lögmanna og dómara,
gerði m. a. grein fyrir tillögum sínum um að koma á fót nýskipan á lögfræði-
þjónustu fyrir almenning.
Fráfarandi formaður, Björn Ingvarsson yfirborgardómari, flutti skýrslu um
störf félagsstjórnar á árinu, m. a. skýrði hann frá álitsgerðum félagsstjórnar
um allmörg lagafrumvörp, er stjórninni voru send til umsagnar á árinu. í lok
skýrslu sinnar gat formaður um veitingar dómaraembætta á starfsárinu, en
þær voru:
Sigurður Sveinsson, borgarfógeti í Reykjavík,
Andrés Valdimarsson, sýslumaður í Snæfellsness- og Hnappadalssýslu,
Rúnar Guðjónsson, sýslumaður í Strandasýslu,
Jón Eysteinsson, bæjarfógeti í Keflavík og sýslumaður í Gullbringusýslu,
Sigurður Hallur Stefánsson, héraðsdómari í Keflavík og Gullbringusýslu,
Bogi Nilsson, bæjarfógeti á Eskifirði og sýslumaður í Suður-Múlasýslu.
Almennar umræður, sem fram fóru að lokinni skýrslu stjórnar, snerust mjög
um réttarfarsmálefni. Einnig komu fram ýmsar ábendingar til réttarfarsnefndar
og gagnrýni og var mikil þátttaka í umræðunum. Samkvæmt beiðni svaraði
formaður réttarfarsnefndar, Björn Sveinbjörnsson hæstaréttardómari, ýmsum
fyrirspurnum sem fram höfðu komið og vörðuðu frumvörp og tillögur sem
nefndin vinnur að eða til hennar hefur verið beint.
Á dómaraþingi voru að þessu sinni flutt tvö fræðileg erindi. Guðrún Er-
lendsdóttir hrl. fjallaði um óvígða sambúð og Páll Sigurðsson dósent um
endurskoðun á hinum norrænu kaupalögum. Nokkrar umræður urðu um bæði
erindin.
196