Tímarit lögfræðinga - 01.12.1975, Qupperneq 7

2. Hverjir eru slysatryggðir?
Slysatrygging almannatrygginganna nær að heita má til allra laun-
þega, er vinna á Islandi og einnig til f jölmargra atvinnurekenda og ým-
issa annarra.
Samkvæmt 29. gx. ATL eru slysatryggðir einstaklingar, sem heyra
til eftirtöldum hópum:
a. Launþegar, sem starfa hér á landi eða um borð í íslensku skipi
eða íslenskri flug\7él.
b. Nemendur við iðnnám.
c. Stjórnendur aflvéla og ökutækja.1
d. Útgerðarmenn, sem sjálfir eru skipverjar.
e. Þeir, sem vinna að björgun manna úr lífsháska eða vörnum gegn
yfirvofandi meiri háttar tjóni á verðmætum.
f. Iþróttafólk, sem tekur þátt í íþróttaiðkunum, hvort heldur er æf-
ingum, sýningum eða keppni og orðið er 16 ára.
Nánari skilgreining á þessum hópum er í 29. gr. Menn þessir eru
sjálfkrafa tryggðir og án tillits til þess, hvort þeir eða atvinnurek-
endur þeirra óska þess eða ekki, sbr. Hrd. 1950, 248. Launþegar og
aðrir þeir, sem nefndir eru í 29. gr.j eru slysatryggðir, þótt iðgjald
hafi ekki verið greitt eða vanrækt hafi verið að láta í té upplýsingar,
sem álagning slysatryggingariðgjalda byggist á.
1 C-liður 29. gr. ATL. nær bæði til skráningarskyldra ökutækja og ökutækja, sem
eigi eru skráningarskyld. Tryggingarskyldan er sú sama, hvort sem bifreiðarstjóri er
sjálfur eigandi bifreiðarinnar eða ekki, sbr. Hrd. 1950, 248.
Arnljótur Björnsson lauk lagaprófi 1959. Sama
ár hóf hann störf hjá Sjóvátryggingarfélagi Is-
lands h/f. Var hann fyrst fulltrúi og síðar deild-
arstjóri í ábyrgðartryggingadeild félagsins, en
þó deildarstjóri sjótjónadeildar í eitt ár. Hann
var settur prófessor 1971, og hefur síðan gegnt
því starfi. Kennslugreinar hans nú eru skaða-
bótaréttur, sjóréttur og vátryggingaréttur. I
grein þeirri, sem hér birtist, ræðir Arnljótur um
slysatryggingar almannatrygginga. Er þar bæði
að finna lýsingar á gildandi reglum, m. a. um
fjárhæðir bóta nú, og fræðilega könnun ýmissa
álitaefna á þessu sviði. M. a. er fjallað um ýmis
hugtök laganna og um endurkröfurétt Trygg-
ingastofnunar ríkisins.
145