Tímarit lögfræðinga - 01.12.1975, Blaðsíða 17

launþega og iðnnema, er þeir hafa í þjónustu sinni, sbr. a- og b-liði 29.
gr. Einnig borga þeir iðgjöld af eigin slysatryggingum, sbr. d-lið 29.
gr. og a- og b-liði 30. gr., sbr. einnig síðai’i málsl. 2. mgr. 30. gr. Um
skyldu atvinnurekanda, sem starfaði hjá eigin fyrirtæki, til greiðslu
iðgjalds vai' fjallað í dómi bæjarþings Reykjavíkur, sem ómerktur var
með Hrd. 1957, 155.
1 öðru lagi skulu eigendur ökutækja og aflvéla greiða iðgjald af slysa-
tryggingu stjórnenda þessara tækja, 36. gr., sbr. c-lið 29. gr. Hér er
greint á milli annars vegar slysatryggingar stjórnenda ökutækja og
hins vegar slysatryggingar stjórnenda aflvéla.
Nefnd ákvæði einskorða ekki slysatrygginguna við stjórnendur
skráningarskyldra ökutækja skv. UFL, sbr. 2. og 4. kafla hér að fram-
an. Auk þeirra nær tryggingin til stjórnenda vélsleða, sbr. 6. mgr. 36.
gr. Af ATL verður lítið ráðið hverjar aflvélar við er átt. 1 6. mgr. segir
þó, að með reglugerð skuli ákveða fast ársiðgjald vegna trillubáta, bif-
hjóla, vélsleða, reiðhjóla með hjálparvél (nú léttra bifhjóla, sbr. 11. gr.
UFL), heimilisdráttarvéla og annarra meiri háttar heimilisaflvéla. Eins
og áður segir, gildir um þetta reglugerð nr. 7/1964, sbr. reglugerð nr.
391/1974, en þar (í 11. gr.) eru einungis ákveðin iðgjöld vegna raf-
stöðva, súgþuri'kunartækja og heyblásara, auk sumra tækja þeirra, sem
nefnd eru í síðastgreindu lagaákvæði.
1 þriðja lagi skulu Iaunþegar skv. c-lið 30. gr. greiða iðgjöld af slysa-
tryggingum sínum, 1. mgr. 36. gr.
I fjórða lagi hljóta þeir, sem óska slysatryggingar við heimilisstörf
skv. 2. mgr. 30. gr., að vera skyldir til að greiða iðgjald, þótt þess sé
hvergi getið beinlínis í ATL.
I fimmta lagi skulu greidd iðgjöld fyrir slysatryggingu íþróttafólks,
sjá 5. mgr. 36. gr. ATL, sbr. lög nr. 39/1975. Segir þar, að iðgjöld
vegna íþróttafólks greiðist sameiginlega af ríkissjóði og Iþróttasam-
bandi Islands og skuli nánari ákvæði um skiptingu iðgjaldsgreiðslna,
svo og um slysatryggingar íþróttafólks, sett í reglugerð í samráði við
íþróttasamband Islands. Reglugerð þessi hefur ekki verið sett, þegar
þetta er ritað (í desember 1975).
Svo sem kom fram hér á undan gerir 6. mgr. 36. gr. ATL ráð fyrir,
að eigendur trillubáta greiði iðgjald af slysatryggingu áhafna. Er fjár-
hæð iðgjalda og ákveðin í fyrrnefndum reglugerðum. Eigendur trillu-
báta munu flestir teljast atvinnurekendur, svo að þeim er, sem slíkum,
skylt að bera kostnað af slysatryggingu launþéga. Maður, sem notar
trillubát í atvinnuskyni, getur sjálfur verið slysatryggður skv. a- eða
b-lið 30. gr. ATL. Hins vegar er óljóst, hvort skýra á ATL þannig, að
155