Tímarit lögfræðinga - 01.12.1975, Blaðsíða 14

um tiltekið árabil skv. reglum, sem ráðuneyti setur að fengnum til-
lögum tryggingaráðs, 4. mgr. 34. gr.* 1 2 3 4 Hins vegar eru bætur fyrir var-
anlega örorku, sem er 50% eða meiri. Bætur fyrir svo mikla örorku
greiðast með lífeyri, sbr. 1.—3. mgr. 34. gr. Lífeyririnn greiðist mán-
aðarlega eftir á, 56. gr. Fullur örorkulífeyrir (þ. e. fyrir örorku, sem
er 75% eða meiri) nemur nú 16.139 kr. á mánuði. Eigi er það skilyrði
fyrir greiðslu bóta fyrir varanlega örorku, að slasaði missi tekjur af
völdum örorkunnar. Er mjög algengt, að tekjur manna haldist svo til
óbreyttar þrátt fyrir örorkuna.
örorkan er metin af tryggingayfirlækni og tryggingalækni Trygg-
ingastofnunar ríkisins, en ekki eru í lögum ákvæði um, hvernig ör-
orkumat skuli fara fram eða hver sjónarmið skuli leggja til grund-
vallar mati. Um það vísast til greinar eftir Pál Sigurðsson ráðuneytis-
stjóra í Tímariti lögfræðinga 1972, bls. 41 o. áfr.
1 Hrd. 1940, 313 var deilt um, hvort örorka slysatryggðs verkamanns
væri varanleg og hvort hún teldist bein afleiðing slyss.
7.4. Dánarbætur
Valdi slys dauða innan tveggja ára frá því, er það bar að höndum,
greiðast dánarbætur skv. reglum, svo sem nánar greinir í 35. gr. ATL.
Þessir aðilar geta átt rétt á dánarbótum: ekkja eða ekkill, börn, fóstur-
börn, foreldrar, fósturforeldrar, systkini og dánarbú hins látna.
Dánarbætur til sumra þessara aðila eru greiddar sem lífeyrir, en til
annarra eru þær greiddar í einu lagi.
Ekkja (ekkill), sem var samvistum við hinn látna eða á framfæri
hans, á rétt á lífeyri að fjárhæð 20.222 kr. á mánuði í 8 ár frá dánar-
dægri hins látna, a-liður 35. gr. Auk þess greiðast viðbótarbætur (líf-
eyrir) til ekkju (ekkils), sem er meira en 50% öryrki eða er orðin(n)
50 ára, sbr. ítarlegar reglur í b-lið 35. gr. Með 51. gr. ATL er sambúðar-
4 Eingreiðslur örorkubóta eru að sjálfsögðu misháar eftir örorkustigi. Einnig hafa
önnur atriði áhrif á bótafjárhæð og þá fyrst og fremst aldur slasaða. Hér er ekki
kostur að gera grein fyrir hvernig eingreiðslan er reiknuð út, en nefna má þrjú dæmi
um eingreiðslur, sem reiknaðar eru út miðað við slysabótafjárhæðir eins og þær voru
í desember 1975:
1. Slasaði 18 ára, er hann slasast. Varanleg örorka er 15%. Eingreiðsla nemur
458.643 kr.
2. Slasaði 45 ára, er hann slasast. Varanieg örorka er 15%. Eingreiðsla nemur
361.307 kr.
3. Slasaði 60 ára, er hann slasast. Varanleg örorka er 15%. Eingreiðsla nemur
215.753 kr.
152