Tímarit lögfræðinga - 01.11.1983, Side 15

Dr. Ármann Snævarr hæstaréttardómari:
BREYTINGAR Á ALMENNUM HEGNINGARLÖGUM
í LJÓSI BREYTTRA VIÐHORFA í REFSIRÉTTI
(ERINDI HALDIÐ Á DÓMARAÞINGI 25. NÓVEMBER 1982, MJÖG AUKIÐ)
I.
AFMÖRKUN EFNISINS.
Hér á eftir er ætlunin að veita nokkurt yfirlit yfir breytingar þær,
sem orðið hafa á almennum hegningarlögum 19/1940. Enginn vegur er
að skýra hverja einstaka breytingu til neinnar hlítar, heldur verður
lögð áhersla á hitt að benda á, hver hvati hafi orðið að breytingunum
og leiða jafnframt huga að því, í hvaða refsiréttarlegan farveg þær
falli og hver refsipólitísk viðhorf búi þar að baki. I lok erindisins verð-
ur horft nokkuð til framtíðar og rætt um tímabærar breytingar á refsi-
löggjöfinni.
II.
ALMENNT UM BREYTINGAR Á ALMENNUM
HEGNINGARLÖGUM OG VINNUBRÖGÐ
AÐ ENDURSKOÐUN LAGANNA.
Lög, sem breyta alm. hgl. munu vera 22 talsins, allt frá lögum 47/
1941 til lága 75/1982. Fylgir skrá um þau í ritgerðarlok. Telst mér svo
til, að um 50 greinar af 270 greinum hafi sætt breytingum. Afnumdar
hafa verið með öllu fimm greinar (64., 179., 182., 224. og 265. gr.), en
einstakar málsgreinar eru afnumdar sbr. 57. gr. 4. mgr., 61. gr. 2. mgr.
68. gr. 3. mgr., 75. gr. 2. mgr., 84. gr. 1. mgr. og 123. gr. 2. mgr.
Nýjar greinar að stofni til eru átta: 2. gr. a, 68. gr. a, 83. gr. a og b,
120. gr. a, 173. gr. a, 218. gr. a og 233. gr. a, og hefir þá verið farin
sú leið að bæta við a- og eftir atvikum b-greinum, þar sem við á að
133