Tímarit lögfræðinga - 01.12.1988, Side 6

HAFSTEINN BALDVINSSON
Eins og dagur fylgir nótt er það víst, að eitt
sinn skal hver deyja. En hvenær það gerist, veit
enginn. Rúmu ári fyrir andlát sitt vissi vinur
minn, Hafsteinn Baldvinsson, hrl., að hann var
haldinn banvænum sjúkdómi og að styttast tæki
í ævilokin. Hann andaðist 23. nóvember 1988.
Við samstúdentarnir frá MA 1948 höfðum
sammælst um að fagna 40 ára stúdentsafmæl-
inu við slit gamla skólans okkar 17. júnf s.l. í
hópi þeirra mörgu, sem mættu, var Hafsteinn og
kona hans Sigríður Ásgeirsdóttir, hdl. Ekkert
okkar afmælisstúdentanna grunaði þá, að Haf-
steinn og þau hjón bæði vissu, hverjum hel-
greipum sjúkdómurinn hafði þá þegar gripið
Hafstein. Hann var sem fyrrum hrókur alls fagn-
aðar, fyndinn og skemmtinn, hófsamur og hóg-
vær. Sú var hetjulund hans og einlæg trú, að á honum sá enginn, að hann
vissi að lífsskeið hans var nær á enda runnið. Þannig var Hafsteinn, sönn
hetja, hreinskiptinn drengskaparmaður, vinfastur og vinsæll.
Hann var fæddur í Reykjavík 24. apríl 1927, yngstur fjögurra systkina,
þeirra Halldórs stýrimanns f Hafnarfirði, Jóns Hauks loftskeytamanns í Reykja-
vík og Gunnhildar Ástu húsfreyju í Reykjavík. Foreldrar þeirra voru hjónin
Baldvin Halldórsson skipstjóri í Hafnarfirði og Helga Jónsdóttir. Þau fluttu
til Hafnarfjarðar 1938 og áttu fagurt heimili að Brekkugötu 22. Hafsteinn ólst
þar upp, en eftir nám í Flensborgarskóla lagði hann land undir fót og settist
í þriðja bekk MA, sem þá var sex vetra skóli. Þar hófust kynni okkar Hafsteins.
Við vorum saman í bekk og herbergisfélagar á Suðurvistum í gamla skóla-
húsi MA.
Að afloknu stúdentsprófi innrituðumst við í lagadeild Háskóla íslands
haustið 1948 og lukum námi samtímis í september 1953. Hafsteinn stundaði
nám sitt ávallt af áhuga og samviskusemi. Hann tók virkan þátt í fjölbreyti-
legu félagslífi bæði í MA og í Háskólanum. Hann var ákaflega fjölhæfur
maður. Söngur hans og glaðværð hljómar enn í eyrum okkar skólafélaga
hans. Hann hafði mikinn áhuga á leiklist, átti ríkan þátt f uppfærslu leikrita
f MA og lék þar stundum sjálfur aðalhlutverkið. íþróttamaður var hann góður
og þótti ómissandi í keppnisliði MA í handknattleik og blaki.
Vormánuðirnir 1950 voru Hafsteini þungir í skauti. í aprflmánuði lést Bald-
vin faðir hans og hálfum öðrum mánuði síðar fylgdi hann Helgu móður sinni
til grafar. Þetta vor lásum við Hafsteinn undir fyrrihlutapróf í lögfræði og
þrátt fyrir þessi áföll lauk Hafsteinn þeim prófum með engu síðri árangri en
við hinir, sem þreyttum þessi próf.
204