Tímarit lögfræðinga - 01.12.1988, Blaðsíða 8

bæra samningalipurð Hafsteins, og er nú deginum Ijósara, hversu farsæl-
lega þeir samningar hafa gagnast Hafnfirðingum fram á þennan dag. Haf-
steinn kunni bæjarstjórastarfinu vel, en bein opinber þátttaka í stjórnmálum
var honum ekki að skapi. Því lét hann af störfum bæjarstjóra, eftir að kjör-
tímabilinu lauk, og sneri sér að lögfræðinni einni og setti á fót eigin mál-
flutningsstofu. í raun hafði lögfræðin og áhugi Hafsteins á henni stöðugt
knúið dyra hjá honum, allt frá því að laganáminu lauk. Þrátt fyrir annasöm
störf bæði hjá LÍÚ og meðan hann gegndi bæjarstjórastörfum, sinnti hann
alltaf, þegar tækifæri gafst, ýmsum málflutningsstörfum í hjáverkum, ef svo
má segja. Hann lauk flutningi prófmála fyrir héraðsdómi og öðlaðist réttindi
héraðsdómslögmanns í janúar 1958, og haustið eftir að hann opnaði mál-
flutningsstofu sína 1966 ávann hann sér réttindi hæstaréttarlögmanns. Mál-
flutningsstofuna rak hann af atorku og réttsýni til dauðadags í félagi við
eiginkonu sína, Sigriði Ásgeirsdóttur, hdl.
Hafsteini voru falin ýmis veigamikil trúnaðarstörf auk fastra starfa hans. Má
þar nefna, að hann sat um árabil í stjórn Sambands Isl. sveitarfélaga við
góðan orðstir. Hann var stjórnarformaður Álafoss h/f í fjölda ára og í stjórn
Breiðholts h/f í mörg ár, en það fyrirtæki byggði yfir 1000 íbúðir i Reykjavik.
Um miðjan áttunda áratug, þegar erfiðleikar steðjuðu að íslenskum bygg-
ingariðnaði, átti Hafsteinn ásamt nokkrum öðrum athafnamönnum þátt f til-
raun til að nema islenskum verktökum land með byggingaverkefni í Nígeríu.
Dvöldust Hafsteinn og kona hans, ásamt fleiri íslendingum, mánuðum saman
í Lagos við að vinna þessum verkefnum framgang. Þótt við mjög erfiðar að-
stæður væri að etja, luku (slendingar sinum þætti I þessu verki. En breyttar
stjórnmálalegar og efnahagslegar aðstæður í Nígeríu réðu þvi, að mögu-
leikar á frekari framkvæmdum runnu út í sandinn.
Hafsteinn naut mikils álits sem traustur og góður málflutningsmaður. Hann
þótti fyiginn sér og rökfastur, en jafnframt mjög sanngjarn og samvinnuþýður.
Hann var ekki gefinn fyrir málaþras eða málaflækjur, en ef honum þótti ein-
hver órétti beittur, reyndi hann af fremsta megni að rétta hlut hans.
Hann lagði sig í framkróka við að Ieysa sem flest mál við samningaborðið,
en ef viðunandi málalok náðust ekki þar, urðu dómstólar að skera úr. Fyrir
þeim flutti hann fjöldamörg mál og naut til þess svo óskoraðs trausts, að
fullyrða má að honum hafi verið falið að flytja mörg af stærstu málum, sem
fyrir dómstóla hafa komið nú hin síðari árin, m.a. flutti hann mörg viðamikil
mál gegn ríkisvaldinu af ýmsum tilefnum.
Hafsteinn kvæntist Sigriði Ásgeirsdóttur ( desember 1954. Þau kynntust á
háskólaárum Hafsteins og má með sanni segja, að sambúð þeirra hafi verið
hin besta. Þau voru einkar samrýnd eins og kom hvað best fram í því, að
um það leyti sem Hafsteinn setti á fót málflutningsstofu sína hóf Sigríður
laganám, m.a. til þess að þau hjónin gætu unnið saman. Hún lauk náminu
á stuttum tíma. Síðan rak hún stofuna með honum af skörungsskap og
dugnaði.
En nú er Hafsteinn Baldvinsson látinn langt um aldur fram og missir
Sigríðar og barna þeirra og fjölskyldunnar allrar er meiri en orð fá lýst. Ég
votta Sigriði og öllum ástvinum þeirra hjóna djúpa samúð og bið góðan Guð
að létta þeim þann mikla harm, sem að þeim er kveðinn.
Baldvin Tryggvason
206