Tímarit lögfræðinga - 01.12.1988, Blaðsíða 37
stundum lýst sem einni af undirgreinum verslunarréttar sem einnig
telst til hins sérstaka hluta kröfuréttar ásamt réttarreglum um lausa-
fjárkaup, fjármögnun þeirra og tryggingum. Seljandi og kaupandi í
alþjóðlegum verslunarkaupum eru sinn í hvoru landi og flutningur
farmsins (vörunnar) með þriðja aðiljanum, farmflytjanda, eru því
óhjákvæmilegir. Nokkrir söluskilmálar Alþj óðaverslunarráðsins
(ICC), INCOTERMS, t.d. FOB, FOB AIRPORT, CIF, FREE CARRI-
ER, FREIGHT or CARRIAGE PAID to og FREIGHT or CARRIAGE
and INSURANCE PAID to, eru ákvæði um hvernig háttað skuli flutni
ingi á vörunni. Með öðrum orðum samningur um lausafjárkaup felur
í sér ákvæði um flutning á farmi.
Atbeini banka er oft nauðsynlegur við alþjóðleg lausafjárkaup, t.d.
til að taka við greiðslum eða fjármagna kaupin í gegnum ábyrgðir
(letters of credit). I farmflutningum er einnig nauðsynlegt að tryggja
farminn því að ábyrgð farmflytjenda er takmörkuð. Það sem sam-
einar þessar fjórar tegundir samninga tengdar alþjóðlegum lausafjár-
kaupum eru flutningsskjöl útgefin af farmflytjendum.
Flutningi á farþegum og farangri þeirra er ef til vill einnig hægt
að lýsa í tengslum við „ferðamannarétt“. Það er enn sem komið er
afar „ófullburða“ fræðigrein. Ekki er þó ólíklegt að í framtíðinni
verði henni gefinn meiri gaumur, einkum innan Evrópubandalagsins
þar sem ýmsar opinberar reglur hafa verið settar til að tryggja ferða-
mönnum viss réttindi í samskiptum þeirra við fai'sala og ferða-
skrifstofur.
Magnús Kjartan Hannesson lauk embættisprófi
frá lagadeild Háskóla íslands 1980 og fjallaði
kandidatsritgerð hans um eignarhald á afrétt-
um og almenningum. Hann var um árabil við
framhaldsnám við lagadeild Háskólans f Exe-
ter á Englandi, en var einnig við framhaldsnám
og rannsóknir við Nordisk Institutt for Sjorett
við Háskólann f Osló, Institut fur Seerecht und
Seehandelsrecht við Háskólann í Hamborg og
við Karl Marx Háskólann í hagfræði í Búdapest.
Á vormisseri 1988 var Magnús stundakennari
við lagadeild Háskóla íslands, en starfar nú á
Nordisk Institutt for Sjorett jafnhliða þvf sem
hann vinnur að doktorsritgerð á sviði flutninga-
réttar við Háskólann ( Exeter.
235