Tímarit lögfræðinga - 01.12.1988, Blaðsíða 42
það hlutverk sem CMI og aðrar alþjóðlegar einkastofnanir gegndu á
sviði lagasamræmingar. Alþjóðasiglingamálastofnunin í London (IMO)
tók yfir sjóréttarleg málefni nema farmflutninga sem komu í hlut
United Nations Conference on Trade and Development (UNCTAD) og
síðar United Nations Commission on International Trade Law
(UNCITRAL).
Undir forsjá Alþjóðasiglingamálastofnunarinnar var samþykktur
alþjóðasamningur árið 1974 um sjóflutning á farþegum og farangri
þeirra. Til þessa samnings er venjulega vitnað sem Aþenusamningsins,
og hefur hann öðlast gildi. Lundúna-viðaukinn frá 1976 við Aþenu-
samninginn hefur hins vegar ekki öðlast gildi ennþá.
UNCTAD hafði forustu um að Haag-Visby reglurnar voru teknar
til athugunar og fól síðan UNCITRAL að gera drög að nýjum sáttmála
um vöruflutning á sjó. Sá sáttmáli var síðan samþykktur á ráðstefnu
í Hamborg 1978, Hamborgarreglurnar.
Hamborgarreglurnar taka skv. 2. gr. þeirra til allra sjóflutninga með
farm gegn gjaldi frá höfn í aðildarríki eða til hafnar í aðildarríki, að
„charterparty“ undanskildum (en þó ekki ,,volume“-samningum). Ham-
borgarreglurnar gilda því án tillits til þess hvaða flutningsskjal er not-
að, farmskírteini, „sea waybill“, eða ekkert skjal er notað. Þær gilda
ennfremur um farmsamninga ef flutningsskj al eða annað skjal sem
sannar farmsamninginn er útgefið í aðildarríki eða þess er getið í flutn-
ingsskjali eða öðru skjali, sem sannar farmsamninginn, að Hamborgar-
reglurnar eða landsréttur, sem veitir þeim lagagildi, skuli gilda um
farmsamninginn, þó svo að flutningurinn sé hvorki að eða frá höfn
í aðildarríki. Hamborgarreglurnar gilda á sama hátt sem Haag-Visby
reglurnar um farmskírteini sem gefin eru út skv. „charterparty“. Loks
gilda Hamborgarreglurnar um hvern einstakan flutning skv. „volume“-
samningi.
Engin takmörk eru á því til hvaða farms Hamborgarreglurnar taka.
Undir þær fellur því þilfarsfarmur og lifandi dýr. Auk þess taka þær
til gáma, „pallettna" og annarra flutninga á hlutum ef þeir hafa verið
látnir í té af sendandanum.
Hamborgarreglurnar hafa ekki enn öðlast gildi.
2.1.2.3 Loftflutningar
Alþjóðasamningur um loftflutninga á farþegum og farangri þeirra
og farmi var samþykktur í Varsjá 1929, Varsjársamningurinn, en
drögin að samningnum voru samin af einkasamtökum CITEJA (Comité
international technique d’experts juridiques aériens).
240