Tímarit lögfræðinga - 01.12.1988, Blaðsíða 64

5. Hinn 18. febrúar 1988 var haldinn félagsfundur um efnið „Aðskilnaður
dómsvalds og framkvæmdavalds11. Frummælendur voru Björn Friðfinns-
son, aðstoðarmaður dómsmálaráðherra, og Már Pétursson, bæjarfógeti.
Fundargestir voru 81.
6. Hinn 1. mars 1988 var haldinn félagsfundur um efnið „Bótareglur nýju
umferðarlaganna“. Frummælendur voru Arnljótur Björnsson, prófessor,
og Logi Guðbrandsson, hrl. Fundargestir voru 128.
7. Hinn 26. aprd 1988 var haldinn félagsfundur þar sem Tryggvi Gunnars-
son, borgardómari, hafði framsögu um efnið „Stjórnarskráin og stjórnun
fiskveiða og búvöruframleiðslu". Á eftir fóru fram pallborðsumræður,
en þátttakendur auk frummælanda voru Árni Kolbeinsson, ráðuneytis-
stjóri, og Þorgeir Örlygsson, prófessor. Fundargestir voru 30.
8. Hinn 3. maí 1988 var haldinn félagsfundur um efnið „The Separation of
Powers". Frummælandi var Michel Troper, prófessor í réttarheimspeki í
París. Fundargestir voru 13.
Fundirnir voru ýmist haldnir í Lögbergi eða á Hótel Sögu, að hádegisverðar-
fundinum undanskildum sem haldinn var á Hótel Loftleiðum. Fundarsókn
var yfirleitt góð. Bókaðir fundarmenn á fundunum voru alls 370, þ.e. rúm-
lega 46 að meðaltali á hverjum fundi.
Hinn 16. janúar 1988 var haldin ráðstefna á vegum Lögfræðingafélagsins
og lagadeildar Háskóla íslands um framtíð laganáms hér á landi. Ráðstefnu-
stjórar voru þeir Arnljótur Björnsson, prófessor, og Garðar Gislason, vara-
formaður félagsins. Á ráðstefnunni var fjallað um markmið laganáms og hug-
myndir um breytingar á námsfyrirkomulagi við lagadeild, kennsluhætti, prófa-
fyrirkomulag og námskröfur í lagadeild, nýjar kennslugreinar og aukna
áherslu á einstakar greinar lögfræðinnar, svo og endurmenntun og hinn verk-
lega þátt laganámsins, þ.e. námsvist og skyld atriði. Þátttakendur á ráðstefn-
unni voru 23 talsins og urðu líflegar umræður um umræðuefnið.
Málþing félagsins árið 1988 var að þessu sinni haldið á Hótel Selfossi. Á
málþinginu var fjallað um mannréttindaákvæði stjórnarskrárinnar. Aðalfram-
sögumenn á því voru þeir Jón Steinar Gunnlaugsson, hrl., og Magnús Thor-
oddsen, forseti Hæstaréttar. Svipað fyrirkomulag var haft á málþinginu og
I fyrra, þannig að þátttakendum var skipt í umræðuhópa að loknum framsögu-
erindum og umræðum um þau. Starfshópar voru að þessu sinni þrír: í þeim
fyrsta var fjallað um eignarrétt og skattlagningarvald, stjórnandi var Gunn-
laugur Claessen, ríkislögmaður. í öðrum hópnum var rætt um félagafrelsi
og skyldu til þátttöku í félögum, stjórnendur voru Gunnar J. Birgisson, hdl.,
og Atli Gíslason, hdl. í þriðja hópnum var tekið fyrir tjáningarfrelsi og nú-
tíma fjölmiðlun, stjórnendur voru Sigurður Líndal, prófessor, og Þórunn Haf-
stein, deildarstjóri. Að loknu starfi í starfshópum var gerð grein fyrir störfum
þeirra og loks fóru fram almennar umræður um efni málþingsins. Málþingið
hófst kl. 10 árdegis og stóð til kl. 17. Gert var matarhlé að venju um hádegið
og kaffihlé síðdegis. Að venjulegum málþingsstörfum loknum var borinn fram
síðdegisdrykkur. Þátttakendur I málþinginu voru að þessu sinni 87, nokkru
færri en verið hafa undanfarin ár. Það fyrirkomulag að skipta þátttakendum
í umræðuhópa hefur nú verið reynt tvisvar sinnum, og var það álit flestra
262