Tímarit lögfræðinga - 01.12.1988, Síða 43
Undir forustu Alþjóðaflugmálastofnunarinnar (ICAO) í Montreal
hafa nokkrir viðaukar verið samþykktir við Varsjársamninginn. Sá
fyrsti, Haag-viðaukinn, var samþykktur 1955, Guatemala City-viðauk-
inn var samþykktur 1971 og 1975 voru samþykktir á ráðstefnu í
Montreal 4 sjálfstæðir viðaukar, Montreal-viðaukarnir. Aðeins Haag-
viðaukinn hefur öðlast gildi, Varsjár-Haag samningurinn.
Allir loftflutningar með farm eða farþega og farangur þeirra gegn
gjaldi falla undir Varsjár-Haag samninginn, enda sé annaðhvort komu-
landið eða brottfararlandið aðili að samningnum, sbr. 1. gr. Frá þess-
ari meginreglu eru nokkrar undantekningar. Varsjár-Haag samning-
urinn tekur ekki til póstflutninga, sbr. 2. gr., né til tilraunaflutninga
í því markmiði að stofna til nýrra flutningaleiða (nú orðið afar fátítt)
eða flutninga utan venjulegs farþega- og farmflugs, svo sem björg-
unarflugs og flugs fyrir vísindaleiðangra, sbr. 34. gr.
Haag-Varsjár samningurinn gildir víðast hvar í heiminum, en Banda-
ríkin hafa þó aldrei lögfest Haag-viðaukann.
2.1.2.4 Vegaflutningar
Á alþjóðlegri ráðstefnu í Genf 1956 var samþykktur samningur um
samræmdar reglur varðandi vöruflutninga á vegum. Þessi samningur
sem venjulega er kallaður CMR (Convention relative au contrat de
transport international de marchandises par route) var upphaflega
saminn af Institut International Pour L’Unification Du Droit Privé
(UNIDROIT) og síðar af United Nations Economic Commission for
Europe (ECE).
CMR-samningurinn tekur til flutninga gegn gjaldi með bifreiðum
og tengivögnum milli tveggja ríkja og að minnsta kosti annað þeirra
verður að vera aðili að CMR. Allir farmflutningar falla undir samn-
inginn, að frátöldum flutningum framkvæmdum skv. alþjóðlegum regl-
um um póstflutninga, líkflutninga og húsgagnaflutninga, sbr. 1. gr.
4. mgr. CMR-samningurinn gildir aðeins í Evrópu og N-Afríku.
2.1.2.5 „Combined“-fIutningar
Það hefur gengið allbrösótt að samþykkja sáttmála um „combined"
eða „multimodal“ flutninga, þar sem farmur er fluttur með að minnsta
kosti tvenns konar flutningatækjum og flytjandinn tekur á sig ábyrgð
á farminum alla leið. Þegar árið 1969 samdi CMI drög að samningi
um slíka flutninga, Tokyo-reglurnar, en sú tilraun náði ekki lengra.
IMO og ECE höfðu árið 1972 gengið frá uppkasti að samningi sem
naut stuðnings viðskiptalífsins og ríkisstjórna þróaðra ríkja en lönd
241