Tímarit lögfræðinga - 01.12.1988, Blaðsíða 65

að betur hefði tekist til í ár en í fyrra, e.t.v. vegna þess að umræðuefnið nú
var betur til þess fallið að ræða það og brjóta til mergjar í starfshópum.
Stjórnarfundir á árinu voru alls 11 talsins. Auk þess var að venju unnið
mikið starf á milli funda, þ.á m. af nefnd þeirri, sem undirbjó málþingið,
undir forystu Garðars Gíslasonar, varaformanns félagsins.
Á starfsárinu tók stjórnin þá ákvörðun að ráða framkvæmdastjóra til félags-
ins. Hlutverk framkvæmdastjórans er fyrst og fremst að sjá um afgreiðslu
og fjármál Tímarits lögfræðinga, í samráði við framkvæmdastjóra tímaritsins,
en jafnframt að aðstoða stjórnina við störf hennar, eftir þvl sem tilefni gefst.
Var Sigrlður Logadóttir, fulltrúi í viðskiptaráðuneytinu, ráðin framkvæmda-
stjóri félagsins, og tók hún til starfa 1. september sl. Jafnframt lét Gunnar
Valvesson af störfum sem afgreiðslumaður Tímarits lögfræðinga. Bindur
stjórnin miklar vonir við að hinn nýi framkvæmdastjóri geti eflt fjárhag Tíma-
rits lögfræðinga og félagsins sjálfs, ekki veitir af.
Lögfræðingafélagið hefur nú, með tilkomu framkvæmdastjóra, opnað skrif-
stofu í húsnæði Lögmannafélags íslands að Álftamýri 9, hér í borg. Hefur
framkvæmdastjóri þar fastan viðtalstíma á miðvikudögum kl. 11:30 til 14
auk þess sem hægt er að koma skilaboðum á framfæri gegnum símsvara,
en sími skrifstofunnar er 68 08 87. Stjórn Lögmannafélagsins lætur í té án
endurgjalds skrifstofuaðstöðu þessa, svo og geymslu fyrir gömul hefti af
Tímariti lögfræðinga. Er Lögmannafélaginu hér með þakkaður þessi ómetan-
legi stuðningur við félagið.
Stjórnin hefur sem fyrr unnið að endurskoðun félagaskrár. Eru nú u.þ.b.
840 lögfræðingar félagar í Lögfræðingafélaginu. Gera verður gangskör að
því að félagar greiði félagsgjöld sín, en nokkuð hefur borið á því að það
hafi farist fyrir.
Ég undirritaður hef sem formaður félagsins átt sæti í aðalstjórn Bandalags
Háskólamanna. Hef ég þar tekið þátt í umræðum um framtíð BHM, en það
verður að segja eins og er að hún er all-óviss, eftir að bandalagið hætti af-
skiptum af launa- og kjaramálum háskólamenntaðra ríkisstarfsmanna. Á vænt-
anlegu þingi BHM, sem haldið verður í næsta mánuði, verður fjallað um
framtíð bandalagsins og er æskilegt að fulltrúar lögfræðinga á þinginu taki
þátt í þeirri umræðu.
í stjórn félagsins var sem oftar áður fjallað um menntun lögfræðinga. Hafði
stjórnin samvinnu við Háskóla [slands um endurmenntun lögfræðinga og
verður m.a. haldið á næstunni námskeið í vinnurétti á vegum Háskólans,
Lögfræðingafélagsins og Lögmannafélagsins. Stjórnin hefur einnig látið sig
varða laganám við Háskólann, sbr. ráðstefnu þá sem haldin var um framtíð
laganáms og gerð var grein fyrir hér að framan. Er full ástæða til þess fyrir
félagið að hyggja enn frekar að laganáminu, svo mikilvægt sem það er fyrir
okkur lögfræðinga.
Samstarf innan stjórnarinnar hefur verið með allra besta móti á starfsárinu.
Þar eð ég undirritaður gef ekki kost á mér til endurkjörs í stjórnina að þessu
sinni, leyfi ég mér að þakka samstarfsmönnum mínum fyrir samvinnuna og
ágæt störf þeirra f þágu félagsins. Jafnframt vil ég nota þetta tækifæri til
þess að óska viðtakandi stjórn félagsins og félaginu sjálfu alls hins besta f
framtfðinni. Eiríkur Tómasson
263