Tímarit lögfræðinga - 01.12.1988, Síða 67

3. Reikningar félagsins lágu frammi til skoðunar og gerði gjaldkeri, Sigríður
Thorlacius, grein fyrir tekjum og útgjöldum.
4. Reikningar Tímarits lögfræðinga lágu frammi og rakti framkvæmdastjóri
tímaritsins, Guðrún Margrét Árnadóttir, eigna- og skuldastöðu í árslok
1987, sundurliðun tekna ársins 1987, skuldastöðu, breytingar á mati á
óseldum tlmaritum og afskriftum áskriftargjalda.
5. Fundarstjóri gaf orðið laust og þar eð enginn tók til máls voru reikn-
ingarnir bornir upp og voru samþykktir samhljóða.
6. Kjör stjórnar og endurskoðenda.
Fráfarandi formaður félagsins baðst undan endurkjöri.
Eftir tilnefningu fráfarandi stjórnar voru kosnir: Formaður Garðar Gísla-
son, borgardómari, varaformaður Þórunn Guðmundsdóttir, hdl.
Aðrir í stjórn: Guðrún Margrét Árnadóttir, hrl., Ingvar J. Rögnvaldsson,
skrifstofustjóri, Sigríður Thorlacius, hdl., Skúli Guðmundsson, deildar-
stjóri, Valtýr Sigurðsson, borgarfógeti.
Varastjórn: Arnljótur Björnsson, Eiríkur Tómasson, Hallvarður Einvarðs-
son, Jón Steinar Gunnlaugsson, Stefán Már Stefánsson, Þór Vilhjálms-
son og Jóhannes L. L. Helgason í stað Jónatans Þórmundssonar, sem
baðst undan endurkjöri.
Endurskoðendur voru kjörnir: Helgi V. Jónsson, hrl. og Guðmundur
Skaftason, hrd., en til vara Friðgeir Björnsson, yfirborgardómari og Sig-
urður Baldursson, hrl.
7. önnur mál.
Fyrrverandi formaður félagsins, Eiríkur Tómasson hrl., bar upp og gerði
grein fyrir tillögu sinni um stuðning við frumvarp um aðskilnað dóms-
valds og framkvæmdarvalds. Már Pétursson, bæjarfógeti, flutti þá til-
lögu um að málefni þessu yrði vísað til stjórnar. Jónatan Þórmundsson,
prófessor, lagði að málshefjendum að leitað yrði samkomulags grund-
vallar um tillögugerð. Málalyktir urðu þær að flutningsmaður breytti til-
lögu sinni, en Már Pétursson dró sína til baka. Tillagan svo breytt var
samþykkt með öllum greiddum atkvæðum svohljóðandi:
,,Aðalfundur Lögfræðingafélags íslands 1988 lýsir stuðningi við aðskiln-
að dómsvalds og framkvæmdarvalds.
Skorar fundurinn á Alþingi og ríkisstjórn að sjá til þess að frumvarp
þessa efnis verði lögtekið svo að þessi tímabæra breyting á íslensku
réttarfari geti tekið gildi hið fyrsta“.
í framhaldi af fyrirspurn Helga Jóhannssonar, lögfræðings, var sam-
þykkt að senda samþykkt fundarins til Alþingis og ríkisstjórnar.
7. í lok fundarins tók formaður félagsins til máls og þakkaði fundarmönn-
um það traust, sem honum væri sýnt ásamt samstjórnarmönnum. Þá
flutti formaður fráfarandi formanni og fundarstjóra þakkir.
Fundi slitið kl. 19.30.
Svo samandregið og endursagt.
Ingvar J. Rögnvaldsson, fundarritari
265