Búnaðarrit - 01.01.1890, Qupperneq 84

80
Þar yrðu þeir skoðaðir af mörgum góðum mönnum, sem
gætu dæmt um, hvort þeim væri svo háttað, að þeir
gætu átt hjer við og orðið útgengilegir. Fyrir kaup-
fjelögin og marga aðra væri einnig nauðsynlegt að fá
sýnishorn af ýmis konar varningi og vörusmíði frá er-
lendum verksmiðjum, til þess að geta pantað það af
þessu, sem hentugast þætti, og mundu verksmiðjumenn
harla fúsir og fljótir til að senda slík sýnishorn á sýn-
ingu, ef það væri orðað við þá.
Stærri sýningar fyrir allt landið væri mjög æski-
legt að halda smátt og smátt, en eins og nú er ástatt,
mundi varla þörf á því optar en svo sem einu sinni á
hverjum 10 árum. Fyrsta þess konar sýning var hald-
in í Reykjavík 1883 og ættu menn nú helzt að hugsa
fyrir hinni næstu 1893. Alþingi, sem haldið verður
1891, ætti að veita nægilegt fje til undirbúnings þeirri
sýningu, og embættismenn, sveitastjórnir, búnaðarskólar,
búnaðarfjelög og í stuttu máli allir góðir landsmenn
ættu að leggja íram krapta sína til að styðja að þvi,
að hún gæti orðið sem fullkomnust. Ein almenn lands-
sýning tíunda hvert ár, mundi sýna mjög áþreifanlega,
livað mikið eða lítið landinu færi fram í búnaði, sjávar-
útvegi, iðnaði o. s. frv. á hverjum áratug, og sýningar
þessar mundu reynast góð framfarahvöt og framfara-
meðal. Að halda sjerstakar sýningar fyrir hvert amt
eða landsfjórðung virðist ekki mundi svara kostnaði, ef
að eins liinar smærri sýningar færu fram á ári hverju
í sveitum, og stærri sýningar fyrir stærri svæði við og
við, t. a. m. ekki sjaldnar en fimmta hvert ár. En á
hverri almennri sýning fyrir allt landið væri vel til
fallið að hver landsfjórðungur eður amt hefði sína sýn-
ingarmuni út af fyrir sig, eða kæmi þar fram sem sjer-
stök deild. Það ætti að geta verið hvöt fyrir fjórðung-