Hugur - 01.01.1995, Side 39

HUGUR
Reikniverk og vitsmunir
37
pakka og hlutarnir tölusettir með einhverjum kerfisbundnum hætti.
Dæmigerð skipun mundi ef til vill segja:
„Leggðu saman tölumar sem eru geymdar á stöðum númer 6.809 og
4.302 og láttu útkomuna á síðarnefnda staðinn."
Það þarf vart að taka það fram að í vélinni er þessi skipun ekki orðuð
á ensku. Hún er líklegri til að vera skráð á formi eins og
6809430217. Hér segir 17 hvaða aðgerð skuli beitt á tölurnar tvær. í
þessu tilviki er aðgerðin sú sem lýst var, nefnilega „Leggðu saman
...“. Svo sem sjá má er skipunin 10 tölustafir og myndar því einn
pakka af upplýsingum. Yfirleitt lætur stýriverkið vélina framkvæma
skipanirnar í þeirri röð sem þær standa í geymslunni, en stundum
koma fyrir skipanir eins og:
„Nú skaltu hlýða skipuninni sem er geymd á stað númer 5.606 og
halda svo áfram með skipanirnar sem koma þar á eftir“
eða skipanir eins og:
„Ef staður númer 4.505 inniheldur 0, þá skaltu næst hlýða
skipuninni á stað númer 6.707 annars skaltu halda beint áfram."
Skipanir af síðari gerðinni eru mjög mikilvægar því þær gera það
mögulegt að endurtaka runu af aðgerðum aftur og aftur þar til eitthvert
skilyrði er uppfyllt með því að hlýða sömu skipununum æ ofan í æ
svo óþarfi er að ítreka skipanirnar. Þetta má skýra með hliðstæðu.
Hugsum okkur að mamma hans Tomma vilji að hann líti við hjá
skósmiðnum á hverjum degi þegar hann er á leið í skólann og athugi
hvort skórnir hennar séu tilbúnir. Hún getur gefið honum ný
fyrirmæli um þetta á hverjum morgni. En hún getur líka sett upp
miða í anddyrinu í eitt skipti fyrir öll sem Tommi sér þegar hann fer
að heiman. A miðanum stendur þá að Tommi eigi að líta við hjá
skósmiðnum og henda miðanum þegar hann kemur heim ef hann
hefur skóna með sér.
Lesandinn verður að fallast á þá staðreynd að það er hægt að smíða
stafrænar tölvur, slíkar vélar hafa verið smíðaðar í samræmi við þær
forsendur sem við höfum lýst og þær geta í raun hermt mjög
nákvæmlega eftir því sem menn gera þegar þeir reikna.