Dvöl - 01.01.1948, Qupperneq 57

D VÖL
55
eftir völlunum. Ég þóttist heyra lága stunu hinum megin við gerði
Hawkinssystranna og þegar ég kom út úr þokunni, sá ég mannveru
hraða sér eftir enginu. Af því hvernig hún dró fæturna, þóttist ég
vita, að þar færi einn kínverski verkamaðurinn, sem gengi á ilskóm.
Kínverjar eta margt, sem tína verður á næturþeli.
Alex kom til dyra, þegar ég barði. Hann virtist glaður að sjá mig.
Systir hans var ekki heima. Ég settist við ofninn og hann kom með
flösku af sínu ágæta koníaki. „Ég heyrði, að ykkur gengi illa,“ sagði
hann.
' Ég skýrði frá viðburðunum. „Óhöppin virðast reka hvert annað. Pilt-
arnir eru búnir að reikna út, að þau verði ýmist 3, 5, 7 eða 9 í röð.“
Alex kinkaði koili. „Ég hef líka trú á því.“
„Hvernig líður Hawkinssystrunum,“ spurði ég. „Mér fannst ég heyra
einhvern gráta, þegar ég gekk þar framhjá.“
Alex virtist tregur til að tala um þær og þó jafnframt langa til
þess. „Ég kom þar fyrir viku síðan. Miss Amý er ekki vel frísk. Ég sá
hana ekki, bara Miss Emalín.“ Svo hraut út úr honum. „Það vofir
eitthvað yfir þeim — eitthvað. —“
„Það mætti halda, að þú værir nákominn þeim,“ sagði ég.
„Já, — feður okkar voru vinir. Við kölluðum systurnar frænkur. Þær
gera aldrei neitt rangt. Það væri slæmt fyrir okkur öll, ef Hawkins-
systurnar væru ekki þær, sem þær eru — — —“
„Samvizka sveitarinnar?“ spurði ég.
„Borgin á bjarginu,“ sagði hann. „Heimilið, sem gefur börnunum
köku og ungu stúlkunum góöar lífsreglur. Systurnar eru stórlátar, en
þær trúa á það, sem við öll vonum að sé rétt. Þær breyta eins og
— ja — eins og það borgi sig bezt að vera heiðarlegur og að líknsemi
feli raunverulega í sér laun. Já, við þörfnumst þeirra.“
„Ég skil.“
„En miss Emalín er að berjast við eitthvað hræðilegt og — ég er
hræddur um, að hún muni ekki sigra.“
„Við hvað áttu?“
„Ég veit það ekki sjálfur, en mér hefur dottið í hug, að ég ætti að
skjóta Bjarnar-Jóa og henda honum í fenið. Mér hefur dottið það í
hug í fullri alvöru.“
„Hann getur ekki að þessu gert,“ andmælti ég. „Hann er aðeins eins
konar hljóðnemi og spiladós sem sett er í gang með glasi af viský í
staðinn fyrir peninga."
Svo spjölluðum við um önnur málefni og nokkru síðar rölti ég til