Dvöl - 01.01.1948, Qupperneq 66

64
D VÖL
og kynnir vinum sínum þriðju eiginkonu
sina.
Ég held að þessi bók gefi betri hug-
mynd en flestar aðrar um þá sviptibylji,
er léku með líf manna við hirðir einvalds-
konimga í Evrópu á 16. og 17. öld og það
kviksyndi mannvonsku, falsháttar ágirnd-
ar, yfirdrepsskapar og smámennsku, sem
hafði Evrópu að leiksoppi á þessum tím-
um.
Þetta er prýðilega rituð bók og
skemmtileg lestrar, þótt ófögur lýsing sé,
og engin skáldsaga tekur henni fram um
dramatísk áhrif. Séra Sigurður Einarsson
hefur íslenzkað bókina og er málfar henn-
ar snjal’.t.
Ðvöl hefur nú ekki látið sjá sig í eitt ár. Liggja til þess ýmsar óviðráðar-
Iegar orsakir, meðal annars tilfinnanlegur pappírsskortur. Arið 1946 komu
aðeins út þrjú hefti af Dvöl, eða um fimmtán arkir, og er það nokkru minni
árgangur en gert var ráð fyrir, en verð árgangsins er hins vegar lægra en
flestra sambærilegr^ tímarita hér á landi. Vonum við því, að lesendum finn-
ist þeir ekki sviknir í þeim skiptum.
Svo langt var liðið á árið 1947 þegar tókst að útvega sæmilegan pappír í
í'itið, að ekki þótti fært að hefja útgáfu árgangsins, því að þá hefði hann
orðið svo langt á eftir áætlun. Það ráð var hins vegar tekið að fella þann
árgang niður, en byrja að nýju með árinu 1948 og kemur hér fyrsta heftið.
Lesendur eru því beðnir að athuga það — einkum þeir, sem halda ritinu
saman, og þeir eru margir — að Dvöl kom ekki út árið 1947.
Dvöl mun hér eftir sem hingað til kappkosta að birta valdar erlendar
smásögur í íslenzkum þýðingum, auk margs annars fræðandi og skemmtilegs
efnis. Á þessu ári munu koma út fjögur hefti, fjórar arkir hvert.
TÍMARITIÐ DVÖL kemur út í fjórum heftum á ári eitt hefti á hverjum árs-
fjórðungi. Það flytur lesendum sínum úrval þýddra smásagna, fræðandi og
skemmtandi greinar um erlent og innlent efni, ljóð og Ijóðaþýðingar, frumsamdar
íslenzkar skáldsögur, ritgerðir, þjóðfræðaþætti, gamansögur o. fl.
Ritstjóri : ANDRÉS KRISTJÁNSSON. Ú t g e f a n d i : Dvalarútgáfan.
Áskriftagjald kr. 20.00 árgangurinn. Gjalddagi 1. júní. Óskast greitt í póstávísun.
Áritun: Tímaritið Dvöl, pósthólf 561, sími 2923. Prentsmiðjan Edda h.f.