Dvöl - 01.04.1948, Page 67

Af nýjum bókum eftir íslenzka höfunda á síðari árum,
hefur engin vakið jafn mikla athygli og aðdáun sem
bókin DALALÍF, eftir alþýðukonuna Guðrúnu Árna-
dóttur á Sauðárkróki, sem kallar sig Guðrúnu frá
Lundi. Bókin fellur svo vel í smekk alþýðu manna, og
lýsir svo vel íslenzkri alþýðu, að glöggir og greindir bóka-
menn hafa sagt, að síðan Jón Thoroddsen skrifaði sínar
bækur: Mann og konu og Pilt og stúlku, hafi enginn höf-
undur lýst íslenzkri alþýðu, skapi hennar og kjörum, bet-
ur en Guðrún frá Lundi í bókinni Dalalíf. Þar er ekkert
ofurmenni og enginn fáviti, þar er íslenzk alþýða upp
og ofan, með amstur sitt og ánægjustundir, gleði og sorg.
Þar finnur bæði þú og ég vini og kunningja. Atburðir
sögunnar rifja upp minningar liðinna stunda. Sagan er
eins og lífið sjálft.
Nú er þriðja bindið komið. Fyrsta bindi er alveg upp-
selt, en nokkur eintök eftir af 2. bindi.
Dragið ekki til jóla aö kaupa bókina, því að miklar
líkur eru til þess að hún verði þá uppseld.
SckaCe^luH fyatfclífar