Valsblaðið - 01.05.2008, Page 4

Minnisstæð jól
Jtilahugvekja
Það er nú svo með
blessuð jólin að helst
væntum við þess að þau
séu eins að ytra formi
frá ári til árs. Við borð-
um sams konar mat jól
eftir jól, hittum sama
fólkið, förum alltaf í
aftansönginn klukkan
sex, berum okkur eins
að við að opna pakk-
ana og lesum alltaf bók
fram á rauða jólanótt.
Við erunt venjuföst og
íhaldssöm þegar kem-
ur að því að halda jól,
allt skal vera í föstum
skorðum, helst allt eins
og það hefur alltaf ver-
ið.
En þó vitum við að jólahald okkar lýtur ekki alltaf þessum
lögmálum. Auðvitað koma jól sem við höldum við nýjar aðstæð-
ur og við finnum nýjar leiðir og nýjar hefðir verða til. Þetta ger-
ist þegar fólk stofnar heimili og fjölskyldur, þegar fyrsta barn-
ið fæðist eða þegar einhver í fjölskyldunni glímir við sjúkdóm
eða þegar einhver er
farinn og við vitum að
hann kemur ekki aft-
ur.
Eg átti einkar góð
og gleðirík jól í mín-
um uppvexti. Gleði,
friður, kyrrð og traust
eru orð sem koma
upp í hugann þegar
ég minnist þeirra jóla.
Þarna var mamma, pabbi og systur mínar, og þótt við systurn-
ar gætum alla jafna rifist myndarlega þá voru það óskrifuð lög
hátíðarinnar að á jólum rifist maður ekki heldur reyndi þvert á
móti að leggja sig fram um að vera elskulegur.
Jól á prestsheimili bera áhjákvæmilega merki þess að mamma
fer töluvert oft að heiman yfir hátíðarnar til að messa, skíra,
gifta eða jafnvel til að vera með þeim sem eiga um sárt að binda
vegna ástvinamissis. En jólin eru gleðirík og heilög hjá okkur
og okkur hefur skilist að við megum þakka hvert fyrir annað og
fyrir allt sem við njótum. Og við megum þakka fyrir að vera tal-
in þess verðug að þjóna meðbræðrum okkar á heilagri hátíð.
Minnisstæðustu jól sem ég hef lifað eru jólin þegar ég glímdi
við erfið veikindi og var lengi frá vinnu af þeim sökum. Ég
hafði ekkert að gefa, hvorki efnislega né andlega talað. Ég var
tóm, fálát og sorgmædd og hafði áhyggjur af því að börnin mín
upplifðu ekki gleði jólanna. En það var eitthvað við þetta ástand
sem gerði það að verkum að jólin þetta árið töluðu til mín með
alveg nýjum og sérstökum hætti. Ég heyrði betur og skynjaði
dýpra hinn raunverulega boðskap jólanna um frið, náð og óend-
anlegan kærleika Guðs til mín og allra manna. Jólin komu líka
til mín þetta árið, með djúpa gleði og innihaldsríkar jólakveðjur
og gjafir frá fólki, stóru og smáu, sem vildi gleðja mig á erfið-
um tímum. Og ég fann til innilegs þakklætis til vina minna, fjöl-
skyldu og safnaðarfólks fyrir þessi einstöku jól. í fallegum jóla-
sálmi sr. Valdimars Briem segir:
Jesús, þú ert vort jólaljós,
um jólin ljómar þín stjarna.
Þér englarnir kveða himneskt hrós,
það hljómar og raust Guðs barna.
Skammdegismyrkrið skyggir svart,
ei skugga sjáum þó tóma.
Þú ljósið af hæðum, blítt og bjart,
þú ber oss svo fagran ljóma.
Helga Soffía Konráösdónir, prestur í Háteigskirkju.
Sr. Helga Soffía Konráösdóttir.
Háteigskirkja.
Valsmenn - bestu Óskip um gleðileg jol og farsælt nýtt ár
„_______^ . 1 T ERKFRÆÐISTOFAN
HENSON Vatnaskil
PrICEWAtERHOUsE0OPERS
4
Valsblaðið 2008