Valsblaðið - 01.05.2008, Page 70

FJÖP á Gotfiia cup hjá 3. flokki kvenna
Síðastliðið sumar, 13. júlí 2008, héldum
við í 3. flokki kvenna til Svíþjóðar. Þetta
var í fyrsta sinn sem þessir árgangar,
'92 og '93, fóru í ferð erlendis og mik-
il spenna var innan hópsins fyrir ferð-
ina. Við komum með tvö 11 manna lið til
keppni, U15 og U17. Ferðin byrjaði á því
að allar mættu, misferskar, á Hlíðarenda
klukkan 3:30 um nótt með troðnar ferða-
töskur og full veski, tilbúnar í slaginn.
Rúta var tekin til Leifsstöðvar og flogið
var út án nokkurra tafa. Þegar við lentum
í Gautaborg ásamt öðrum félagsliðum
skein sólin á okkur. Fyrr en varir vorum
við komnar á gististað okkar Bjurslattas-
skolan. Við komum okkur þægilega fyrir
í íþróttahúsi með mjög umdeildan stofu-
hita, ef stofuhita má kalla, en ofnar virt-
ust vera í algjöru lágmarki.
Frábær byrjun á mótinu hjá báðum
liðum
Strax næsta dag byrjaði keppnin en bæði
lið unnu viðureignir sínar örugglega. Síð-
degis sama dag hélt myndarlegt Valsliðið
á opnunarhátíðina á Ullevi leikvanginum
og var hún hreint út sagt ógleymanleg.
Þar vorum við meðal annars vitni að gift-
ingu og flugeldasýningu svo að dæmi séu
tekin. Leikvangurinn var alveg fullur af
keppendum sem voru ríflega 34.000 tals-
ins. Eftir skemmtilega opnunarhátíð rölt-
um við með KR piltum að sporvagninum
og sungum í kapp við þá stuðningslög
liðanna.
Bæði lið tryggðu sæti í A úrslitum
Á þriðjudeginum unnu bæði lið sinn leik
stórt en eftir leiki dagsins héldum við
niður í bæ í verslunarferð. Þar voru kort-
in straujuð af kappi og sænsku krónurn-
ar okkar fylltu búðarkassa verslunarklas-
ans. Við fórum sáttar heim með hendur
fullar af pokum. Þegar heim var komið
var sýndur afrakstur dagsins í búðunum
en þegar komið var í mötuneytið voru á
allir einu um að maturinn væri ekki upp
á marga fiska þannig að við enduðum á
skyndibitastað í nágrenninu. Eftir daginn
voru bæði lið komin í riðlakeppni A.
Vonbrigði með úrslit
Miðvikudagurinn var stór dagur fyr-
ir bæði lið en U15 liðið tapaði báðum
sínum leikjum en stóð sig engu að síð-
ur með mikilli prýði þar sem ekki miklu
munaði að sigur ynnist. U17 liðið vann
glæstan sigur í fyrri leiknum á móti
norsku liði sem minnti einna helst á haf-
meyjur, þar sem hár þeirra var prýtt með
ýmsu sjávarfangi, en tapaði svo naum-
lega seinni leiknum 1-0 þar sem Vals-
stúlkur áttu meira í þeim leik, en þar með
voru bæði lið því miður dottin úr keppni.
Þegar „heim“ í íþróttasal var komið rölt-
um við Valsstúlkur út í verslun og keypt-
um sykurmikinn varning.
Verslað á fuliu
Daginn eftir var tekin „létt“ og skemmti-
leg morgunæfing í grenjandi rigningu
sem hressti okkur allar við en eftir hana
var haldið í verslunarferð númer tvö
þar sem að peningarnir voru endanlega
kláraðir hjá allflestum og langir striml-
ar fylltu budduna í stað seðlanna. Um
kvöldið fengum við svo tvo valmögu-
leika um hvað skyldi gera: annars veg-
ar að vera heima og skemmta sér þar í
góðra vina hópi, og hins vegar að fara á
diskótek. Rúmlega helmingurinn var eft-
ir heima en afgangurinn fór á þetta stór-
skemmtilega diskótek þar sem mikið var
dansað í kringum margan sveittan ung-
linginn.
Afmæii Alexíu og gleði í Liseberg
Föstudagurinn byrjaði með æfingaleik
við FH stráka sem endaði svo á æsi-
spennandi vítaspyrnukeppni milli farar-
stjóra og þjálfara. Þessi dagur var einn-
ig 16 ára afmælisdagur Alexíu og af því
tilefni ákvað hún að bjóða okkur öllum á
Hard Rock þar sem við snæddum prýðis-
góða máltíð og Alexía fékk afmælisgjaf-
ir. Eftir notalega kvöldstund héldum við
heim.
Á laugardeginum ákváðum við að fara
í Liseberg, þrátt fyrir slysið sem átti sér
stað fyrr í vikunni en þar bilaði rússíbani
með þeim afleiðingum að fólk slasaðist.
Þar skemmtum við okkur konunglega í
risavöxnum rússíbönunum.
Frábær ferð á enda
Á sunnudeginum þurftum við því mið-
ur að halda heim á leið, afskaplega sátt-
ar eftir góða ferð og ágætis árangur þó
svo að við hefðum viljað komast lengra.
Þessi ferð verður lengi í minnum höfð og
við þökkum öllum fararstjórum, þjálfur-
um, aðstandendum og stuðningsaðilum
fyrir hjálpina við að láta þetta verða að
veruleika.
Sigurlaug Guðrún Jóhannsdóttir og
Gerður Guðnadóttir 3.flokki
Valsblaðið 2008