Valsblaðið - 01.05.2002, Blaðsíða 42

Ungir Valsarar
Gissur Helguson leikmaður 9. flokks í körfubolta
Gissur Helguson er einn sá heitasti í 9. flokki Vals í körfu-
bolta. Hann er 14 ára, í 9. bekk í Austurbæjarskóla og stefnir að
því að verða slökkviliðsmaður ef hann nær ekki að slá í gegn í
körfubolta. Móðir hans heitir Helga Eggertsdóttir og fósturfaðir
Sigurður Stefánsson. Mest langar Gissur að spila í Evrópu þeg-
ar fram líða stundir.
Hann lék áður fótbolta og körfubolta með ÍR og íshokkí með
Birninum en er núna að leika sitt annað keppnistímabil með
Val. „Jú, jú, mér þótti gaman í íshokkí en það var bara svo
dýrt.“ Hann er með skýringar á reiðum höndum þegar hann
spurður hvers vegna hann ákvað að einbeita sér að körfunni.
„Af því að körfubolti er eina almennilega íþróttin þar sem
maður þarft virkilega að vera góður til að ná árangri og hpppni
spilar ekki með. Eg kann mjög vel við mig í Val.“
Gissur segir að flokkurinn hafi staðið sig þokkalega síðastlið-
inn vetur en að þeim í 9. flokki mætti að ósekju ganga aðeins
betur. Kappinn segist ekki einbeita sér að því að spila eina sér-
staka stöðu umfram aðra. En hvað þarf hann helst að bæta?
„Skotin og viðhorfið. Ég get orðið svakalega pirraður í leikjum,
aðallega þegar dómgæslan er léleg.“
Gissur er mjög ánægður með Gústa þjálfara og segir að það
eftirminnilegasta frá ferlinum sé Svíþjóðarferðin í maí síðast-
liðnum. „Við komust í B-úrslitin og stóðum okkur vel þegar á
heildina er litið." Hann á sér enga sérstaka fyrirmynd í boltan-
um en segist horfa mikið á NBA boltann í sjónvarpinu.
— Hvað skiptir mestu máli ef þú ætlar að ná Iangt í
íþróttum?
„Það skiptir öllu máli að vera jákvæður gagnvart öllu og öll-
um og hafa viljann í lagi.“
— Hver stofnaði Val og hvenær?
„Það var einhver prestur fyrir langa löngu.“
Gissur segir að jákvœðni skipti mestu máli ef menn œtla sér
frama í íþróttum. (Mynd ÞÞ)
42
Valsblaðið 2002