Uppeldi og menntun - 01.07.2006, Síða 31

31
anna ÞorBjörG InGólfs­dóttIr
Els­a s­IGríð­ur jóns­dóttIr
Sam­s­tarf í leiks­kó­lum­ við foreldra barna
af erlendum­ uppruna
Á árunum 2001–2004 stýrðu greinarhöfundar þróunarverkefninu Fjölmenningarleikskóli í
einum leikskóla í Reykjavík . Markmið þróunarverkefnisins voru m .a . að leikskólastarfið endur­
speglaði fjölmenningarlegt samfélag og að gera heimamál og heimamenningu barnanna að
virtum þætti í starfinu . Til þess að svo mætti verða var nauðsynlegt að efla samstarf við alla
foreldra, en sérstaklega foreldra af erlendum uppruna . Í tengslum við þróunarverkefnið gerðu
greinarhöfundar rannsókn á því hvernig til tókst og hér verður sjónum fyrst og fremst beint
að því hvernig tókst að efla samstarf við foreldra af erlendum uppruna í leikskólanum og hvaða
áhrif það hafði á starfið, starfsfólkið og börnin . Meginniðurstöður eru þær að í þeirri vinnu
sem fram fór í þróunarverkefninu tókst starfsfólki að ná betur til erlendra foreldra en áður
og kynnast þeim . Foreldrarnir urðu sýnilegri í leikskólanum og virkari, en það skilaði sér í
auknu sjálfstrausti sumra barnanna og þau urðu opnari, áhugasamari og gerðu meiri kröfur .
Ennfremur varð starfsfólkinu ljóst að allt frumkvæði í foreldrasamskiptum verður að koma frá
skólanum .
Á undanförnum árum hefur börnum með annað móðurmál en íslensku fjölgað mjög í
leikskólum landsins og eru þau nú 7,4% af öllum leikskólabörnum (Hagstofa íslands,
2006). Það hefur í för með sér ný verkefni fyrir starfsfólk leikskólanna. Eitt af þeim
er samstarf við erlenda foreldra. Hér verður fjallað um rannsókn á samstarfi við for-
eldra í einum leikskóla í Reykjavík. í leikskólanum var unnið þróunarverkefni um
fjölmenningarlega starfshætti á árunum 2001–2004. Greinarhöfundar voru verkefnis-
stjórar þróunarverkefnisins og gerðu jafnframt rannsókn á áhrifum fjölmenningar-
legra starfshátta á starfsfólk, foreldra og börn. Eitt markmið þróunarverkefnisins var
að efla samstarf við alla foreldra, en einkum foreldra barna af erlendum uppruna.
Greint verður frá því hvernig starfsfólki tókst að efla þessi samskipti og hvaða áhrif
það hafði í leikskólanum. Þetta mun vera fyrsta íslenska rannsóknin sem gerð er á sam-
starfi leikskóla við foreldra barna af erlendum uppruna.
Uppeldi og menntun
1. árgangur 2. hefti, 2006