Morgunn - 01.12.1960, Qupperneq 78

156
MORGUNN
eða gáfur vöktu öfund, og voru þær þá ásakaðar um að
vera á valdi djöfulsins. Gegn þessari hræðilegu hjátrú
beitti hertogafrúin sér af alefli. Einu sinni þegar hertog-
inn var fjarverandi kom upp skæður sjúkdómur í kvik-
fénaði. Almenningur kenndi gamalli ekkju, Evu Jarausch,
um þetta. Presturinn á staðnum studdi þessa heimsku
fólksins, eins og því miður þá var títt um prestana.
En þá sendi hertogafrúin prestinum bréf, sem ekki var
hægt að misskilja: „Við höfðum búizt við því af yður,
sem lærðum og skynsömum manni, að yður væri kunnugt
um, hvernig frelsari vor Jesú Kristur með pínu sinni og
dauða hefur sigrazt á dauðanum og djöflunum, og kallað
oss til að vera Guðs börn. Þér verðið að athuga, hve
miklu tjóni þér hafið valdið frá prédikunarstólnum á
meðal þessa hjátrúarfulla og einfalda fólks, í stað þess
að það er skylda yðar að prédika kærleika til allra manna
og virðingu fyrir ellinni. Það er ekki í neinu samræmi við
kærleika Guðs og miskunn, að hann með hjálp djöfulsins
ætti að gefa gamalli konu mátt til þess að gjöra svo illt
af sér. Engar sannanir eru til í þessum galdramálum, en
margar vesalings konur hafa verið píndar og kvaldar til
játninga, og margir hafa borið ljúgvitni. Það er kunnugt
um allt landið, að hið votviðrasama sumar, og þar af leið-
andi skemmt fóður, er aðalorsökin að veikinni í fénaðin-
um. Það eru því tilmæli vor, að þér kennið þeirri hjörð,
sem yður er trúað fyrir, eitthvað uppbyggilegra frá
prédikunarstólnum, og að þér látið ekkjuna, Evu, koma
til yðar, og með hjálp Guðs orðs huggið hana vegna
þeirra ásakana, sem hún ómaklega hefur orðið fyrir. Ef
þér farið ekki eftir þessum fyrirmælum, mun yður verða
vikið úr embætti og vísað burt úr furstadæminu til ein-
hvers þeirra staða, sem kæra sig um galdratrúarpresta.
Hugsið um hinn háa aldur yðar og ábyrgð yðar gagnvart
Guði“.
Skoðanir hertogafrúarinnar á hinum hryllilegu galdra-
brennum, og hispursleysi hennar að láta þær skoðanir í