Morgunn - 01.12.1966, Síða 32

110
MORGUNN
í Rússlandi, dr. Rudolf Tischner í Þýzkalandi, Ina Jephson
í Englandi og Upton Sinclair í Ameríku. Og frægar urðu
þessar tilraunir í Póllandi í sambandi við Stefan Assowiecki.
Allar þessar tilraunir voru fólgnar í því, að láta menn lýsa
eða líkja eftir teiknimyndum, sem enginn viðstaddur hafði
hugmynd um, hvernig væru. Undantekning var frú Jephson.
Hún notaði venjulega spil.
Allir þessir vísindamenn sannfærðust um það, að niður-
stöður tilraunanna væru slíkar, að þær yrðu ekki skýrðar
svo, að um hendingu eina gæti verið að ræða. Og að því er
snerti tilraunir frú Jephson, var unnt að reikna út, að þar
gæti ekki tilviljun ráðið. En að því er snerti tilraunirnar með
Assowiecki þurfti ekki neinna útreikninga við. 1 einni slíkri
tilraun var það, að Theodore Besterman frá Sálarrann-
sóknafélaginu (S.P.R.) teiknaði blekbyttu og skrifaði orðin
swan ink á miðann, sitt orðið hvorum megin, undirstrikaði
fyrra orðið með bláu, en hið síðara með rauðu bleki. Síðan
tvíbraut hann saman miðann, setti hann í þrjú ógagnsæ um-
slög hvert utan yfir annað og innsiglaði vandlega, svo úti-
lokað var, að geta opnað þau án þess að það sæist. Á þrem
fundum tókst Assowiecki að lýsa innihaldinu og gera mynd-
ir af því, svo rétt og nákvæmlega, að ekki gat heitið, að
neinu skakkaði. Enginn vissi, hvað á miðanum stóð, nema
Besterman einn, en hann var hvergi nærri, þegar tilraun-
irnar voru gerðar, og vissi ekkert hvenær þær fóru fram.
önnur tegund tilrauna varðandi fjarskyggni hefur, en
raunar ranglega, verið nefnd hlutskyggni (Psychometry).
Þá er mönnum í hendur fenginn hlutur, sem á sér sérstaka
sögu, og eiga þeir síðan að rekja sögu hlutarins. Frægt dæmi
af þessu tagi er það, sem Gustav Pagenstecher, læknir í
Mexico City, segir frá. En hann gerði þessar tilraunir með
mexikanska konu að nafni Senora de Z. Dr. Walter Frank-
lin Prince frá Sálarrannsóknafélaginu ameríska, rannsakaði
síðar þessa konu og staðfesti það, sem Pagenstecher hafði
um hana sagt. Dr. Eugene Osty í París og próf. Oskar
Fischer í Prag, ásamt fleirum, gerðu einnig tilraunir um