Morgunn - 01.12.1966, Blaðsíða 36

114
MORGUNN
til þess að koma í veg fyrir það, að nokkur gæti sagt með
rökum, að tilraunirnar væri ekki fyllilega að marka, vegna
þess, að aðeins væri frá þeim sagt, sem beztan árangur
hefðu gefið.
Meðaltal réttra svara í öllum tilraununum var 7 af hverj-
um 25. Þó eru þar taldar með byrjunartilraunir með ein-
staklinga, sem ekki var vitað um að hefðu nokkra dulhæfi-
leika. Taldar eru með tilraunir þær, sem reyndust neikvæð-
ar, þannig að reyndum tókst ekki að segja rétt til um 5
spil af hverjum 25. Langflestar tilraunirnar voru þó gerð-
ar með þeim, sem áður höfðu verið reyndir að því að geta
sagt rétt til um 6 og upp í 11 spil af hverjum 25. En heild-
arniðurstaða allra tilraunanna, er samtals voru rúmlega
85.000 var, eins og áður segir, þessi, að getið var rétt til um
7 spil af hverjum 25 að meðaltali. Svo margar tilraunir og
framkvæmdar á löngum tíma, og með þessum árangri, eru
harla athyglisverðar. Þær eru svo merkilegar, mældar á
stærðfræðilegan mælikvarða, að enginn vafi getur á því
leikið, að niðurstöður þeirra eru meira en hendingin ein.
Fleira kemur hér einnig til álita. Þegar það kom fram í
fyrsta sinn í þessum tilraunum, að getið var rétt til um spil
9 sinnum i röð, varð okkur öllum ljóst, að um hendingu gat
ekki verið að ræða. Líkindatalan verður þar 1 á móti 5
margfölduðum 8 sinnum með sjálfum sér, en það er ofsahá
tala. Sami maður gat einu sinni rétt til um 15 spil í röð.
Annar hafði þó metið í þessum tilraunum. 1 einni tilraun gat
hann rétt til um öll spilin 25. Svona góður árangur var að
vísu mjög sjaldgæfur, en hann sópaði burt öllum efa okkar
um það, að hér væri annað og meira en tilviljun að verki.
Augljóst mál er það, að við allar tilraunir er höfuðnauð-
syn að gæta ítrustu varúðar. Fram til þessa hef ég aðeins
sagt frá byrjunartilraunum varðandi fjarskyggni. En við
urðum að sjálfsögðu að ganga algjörlega úr skugga um það,
að engar venjulegar skynjanir af neinu tagi gætu haft áhrif