Morgunn - 01.12.1966, Síða 44

122
MORGUNN
svo skýrt, að viðtakandinn mistúlkar þær á engan hátt, enda
þótt hann sé sofandi og þetta því draumur hans, en ekki
vökuskynjun.
1 draumi hjónanna um veizluna virðist þó ímyndunarafl
konunnar bæta lítilsháttar við drauminn umfram það, sem
mann hennar dreymir. Að vísu verður af frásögninni ekk-
ert um það fullyrt, hvort draumur konunnar stafi frá
draumi eiginmannsins eða öfugt. Einnig er til sá möguleiki,
að hjónin dreymi drauma þessa algjörlega samtímis, og
sama megi segja um hina draumana. En þá verður líka
erfiðara um skýringar. Er þá jafnvel hægt að láta sér detta
í hug, að draumar þessir eigi rót að rekja til atvika, sem
gerast í raun og veru á einhverju öðru sviði tilverunnar,
sem er utan þess, sem hin líkamlegu skynfæri ná til. Og
prófessor Hart virðist engan veginn frá því, að svo kunni
að vera.
Sveinn Víkingur.
Smávegis
Góð heilsa og tíðar næturvökur eru sjaldan lengi sam
ferða.
Enginn hefur ennþá getað sagt um það með fullri vissu,
hvort stuttu pilsin eru afleiðing silkisokkanna, eða silkisokk-
arnir afleiðing hinna stuttu piisa.