Morgunn - 01.06.1975, Side 43
UNDRALÆKNINGAR Á FILIPPSEYJUM
41
Kvaðst hann ekki þurfa að rannsaka þetta, hann gæti séð á
augabragði að þetta væri nokkurra daga gamalt æxli og blóð-
ið væri ekki raunverulegt blóð.
Látkvikmyndir voru teknar einmitt af þessum umrædda
uppskurði og sést dr. Wanderman greinilega á þeirri mynd,
svo hann virðist ekki hafa trúað sínum eigin augum.
Antonio Agpaoa er engan veginn einasti maðurinn á Fil-
ippseyjum, sem getur framkvæmt slík kraftaverk. Þar virðast
vera margir slikir huglæknar, og eru rannsóknir á þessum
lækningum enn á byrjunarstigi. Þessir menn eru flestir félag-
ar í Samtökum kristilegra spíritista, sem á máh innlendra
heita Espíritista.
Harold Sherman tekur það fram í bók sinni um þessa menn
og hin furðulegu afrek þeirra, að hann hafi bæði séð og kom-
ist að svikum, bæði meðvituðum og ósjálfráðum. En framhjá
þeirri staðreynd verði samt ekki gengið að hann og félagar
hans hafi orðið vitni að fyrirbærum, sem virðast vera ósvikin
og alls ekki hægt að skýra með viðurkenndum aðferðum
læknisfræði og nútímavísinda. Hér endurtekur sig sagan
um hvita hrafninn, sem stjörnufræðingurinn Robert Swobe
minntist á.
Hér skal nú getið nokkurra staðreynda um ævi þess læknis
sem hér hefur aðallega verið umtalsefni, Antonios Agpaoa.
Hann fæddist 2. júní 1939, eitt af mörgum börnum bónda
nokkurs i þorpinu Rosita á Filippseyjum. Ibúar þessa þorps
eru um 5000. Móðir Tonios er látin. Benti allt til þess að
hann hefði orðið venjulegur sveitarmaður á bóndabænum hans
pabba síns, ef hann hefði ekki níu ára gamall orðið fyrir ein-
kennilegri reynzlu. Var þar á ferð andi sá, sem hann siðan
hefur kallað verndarann og honum hefur verið sagt að vera
fámáll um.
Þessi reynzla lá í þvi að verndarinn kallaði hann út um mið-
nætti hvað eftir annað og hélt honum iðulega allt til dögunar
við að þjálfa hann andlega, svo hann mætti verða farvegur til
þess að taka við læknandi krafti. Tonio kallar þemian vernd-
ara sinn stundum tata, sem þýðir faðir á máli innfæddra.