Morgunn - 01.06.1975, Qupperneq 85

RITSTJÓRARABB
83
kristtindómurinn sé hin eina lausnarvon mannkynsins. Maður
getur t. a. m. ekki hugsað sér að lélegir kristnir menn eigi í
krafti trúar sinnar að erfa himnaríki, en ekki menn eins og
Tagore.“
Að þvi er virðist gengur slik víðsýni guðlasti næst um þess-
ar mundir, að áliti presta kirkjunnar íslenzku; að ekki sé nú
talað um hinn skelfilega spíritisma!
Það þurfti hugrekki til þess að fylgja einhuga og opinher-
lega að málum hinum djörfu brautryðjendum spiritismans á
2. tug þessarar aldar, þeim Einari H. Kvaran og Haraldi Niels-
syni. Og þar stóð ekki á séra Jóni Auðuns. Og hann er enn
ómyrkur í máh árið 1975: „Séra Haraldur Niélsson hafði þau
áhrif á mig í sambandi við spíritismann — og það er enn
niðurstaða mín, þótt ég hafi á löngum tíma breytt um skoð-
anir á ýmsum efnum í sálarrannsóknum — að sá kjarni sann-
færingar hans og boðskapar sé réttur, að eigi boðun kristins
dóms framtíð, þá verði að leiða að því einhver skynsamleg
rök, að mannssálin lifi líkamsdauðann. Til þess nægir engin
bók, jafnvel ekki Biblían.“
Nú er svo komið, að slíkar skoðanir eru taldar af illum toga
spunnar og i þeirra stað boðaðar ofsóknir á hendur frjálsri
hugsun í trúmálum og jafnvel blátt bann lagt við beitingu
vitsmuna i þeim efnum. En vitanlega er það allt unnið fyrir
gýg, því ofstæki vekur jafnan hlátur hjá íslendingum.
Séra Jón Auðuns hefur á löngum starfsferli og farsælum
verið mikill áhrifamaður sökum málsnilldar og mælsku og
verið jafnvígur á ræðustóli sem ritvelli. Hann er annálaður
predikari. X>að er engum vafa undir orpið, að hin mikla þekk-
ing hans á spíritismanum og sá skilningur á kristninni, sem
birtist í ljósi hans, hefur einmitt veitt ræðum hans kraft og
mátt sannfæringar langt framyfir það sem gengur og gerist
meðal kennimanna íslenzku kirkjunnar. Séra Jón hefur sýnt
með starfi sínu hve máttugur stuðningur spíritisminn getur
verið kristinni trú er rétt er að farið. En íslenzka kirkjan virð-
ist ekki skilja sinn vitjunartíma og boðar nú baráttu gegn
þeim sem bezt hafa orðið kristnum dómi að gagni.