Fréttablaðið - 19.11.2010, Blaðsíða 22

22 19. nóvember 2010 FÖSTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Breiðablik er eitt þeirra íþróttafélaga á höfuðborgarsvæðinu sem halda úti
öflugri skíðadeild. Hér er skorað á stjórn-
endur sveitarfélaga á höfuðborgarsvæðinu
að taka höndum saman og klára þá undir-
búningsvinnu sem er ólokið sem allra allra
fyrst svo hægt sé að hefja snjóframleiðslu
í Bláfjöllum næsta vetur og höfuðborgar-
búar geti stundað íþrótt sína áhyggjulausir
líkt og íbúar fyrir norðan og austan.
Ef horft er til reksturs Bláfjalla, þ.e.
tekna og gjalda, og vísa ég þá á heimasíðu
Reykjavíkurborgar, þá kemur fram í fjár-
hagsáætlun borgarinnar að tekjurnar
sem fást fyrir sölu aðgangsmiða, skíða-
og brettaleigu og svo veitingar, duga vel
fyrir launakostnaði og öðrum rekstrar-
kostnaði. Það var reyndar ekki hagnaður
af rekstrinum veturna 2008 og 2009 en það
skýrist af afskriftunum sem gerðar eru ár
hvert á mannvirkjunum sem í fjöllunum
eru. Ef hins vegar hægt er að tryggja
örugga opnun á 100 dögum eða fleirum
ár hvert, er það alveg ljóst að ásóknin í
Bláfjöll mun aukast til muna. Bæði mun
iðkendum skíðadeildanna fjölga og einnig
ferðamönnum og áhugafólki um skíða- og
brettaíþróttina sem myndi leggja leið sína
í Bláfjöll.
Svo það verði er nauðsynlegt að koma á
snjóframleiðslu svo við lendum ekki aftur
í því að fá aðeins fimm opnunardaga eins
og raunin varð á í fyrra vegna snjóleysis.
Þessa fimm daga heimsóttu þó að jafnaði
2.000 manns Bláfjöll dag hvern. Aðsóknin
um nýliðna helgi sýnir líka að íbúar höfuð-
borgarsvæðisins láta ekki neikvæða
umræðu um skíðasvæðin hafa á áhrif á
sig. Rúmlega 4.000 manns á sunnudag
sýnir best hvað áhuginn er mikill. Hver er
aðsóknin í önnur íþróttamannvirki höfuð-
borgarsvæðisins dag hvern af almenningi?
Því skal einnig haldið til haga að skíða-
íþróttin er það sport sem er hvað vinsælast
að stunda af heilu fjölskyldunum og eru
engar aðrar íþróttir á Íslandi þar sem fólk
mætir að morgni með nestið sitt og eyðir
deginum saman í fjöllunum í góðri útivist
og hreyfingu. Þetta er ein besta forvörnin
sem hægt er að hugsa sér fyrir börnin
okkar og er sagt að besta forvörnin sé sú
þegar fjölskyldan ver tíma sínum saman.
Hvar er betra að verja honum en í Blá-
fjöllum?
Rekstur Bláfjalla mun vel geta staðið
undir sér í framtíðinni og áhrifaríkasta
leiðin til þess er að koma á fót snjófram-
leiðslu á svæðinu sem allra fyrst.
Bláfjöllin heilla
Höfuðborgar-
svæðið
Heiður
Hjaltadóttir
form. Skíðadeildar
Breiðabliks
Nokkrar góðar
Fyrirspurnir þingmanna til ráðherra
eru af ýmsu tagi og geta kallað á að
ráðherrar upplýsi stefnu í málaflokki
sem ekki var vitað að þeir hefðu
stefnu í. Sem dæmi hefur umhverfis-
ráðherra verið spurður um stefnu í
minkaveiðum. Fyrirspurnir geta líka
verið þröngar. Upp á samgönguráð-
herra stendur að svara fyrirspurn um
stefnu varðandi mannafls frekar
framkvæmdir og ein breiðar
brýr. Stundum er óskað eftir
einkaskoðunum. Til dæmis
hefur utanríkisráðherra verið
beðinn að telja upp mögu-
lega kosti fríverslunar-
samnings við Bandaríkin.
Spurul
Vigdís Hauksdóttir er spurulasti
þingmaðurinn og snúast fyrirspurnir
hennar um allt milli himins og jarðar.
Til dæmis hefur hún spurt hve margir
prestar séu á launaskrá hjá Biskups-
stofu og hvort athugað hafi verið
hvort Íslendingar geti verið í samfloti
með Norðmönnum í olíuleit með
hljóðbylgju rannsóknum.
Íslensk-ameríska
Ein fyrirspurn Vigdísar sker sig þó
úr. Hún er til utanríkis ráðherra.
Hefst hún svona: „Hvernig
brást ráðuneytið við kveðju
þeirri sem utanríkis-
ráðherra Bandaríkjanna,
Hillary Clinton, sendi Íslendingum 17.
júní sl.?“ Vigdís spyr líka hvort látið
hafi verið reyna á þann stuðning og
vináttu sem kom fram í kveðjunni,
hvort menningar- og efnahagsleg
tengsl ríkjanna hafi aukist í kjölfarið
og hvort ekki standi til að fylgja eftir
boði um stuðning og vináttu, hafi það
ekki verið gert. Síðasti liðurinn er svo
svona: „Hefur það áhrif á viðbrögð
við kveðjunni að leiðtogar Evrópu-
sambandsins samþykktu á fundi 17.
júní að hefja formlegar viðræður
við Ísland um aðild að ESB, sama
dag og Hillary Clinton sendi
kveðjuna?“ Svar ráðherra hlýtur
að koma fljótlega.
bjorn@frettabladid.is
F
réttablaðið sagði í gær frá svartri skýrslu Umhverfis-
stofnunar um ástand friðlýstra svæða víða um land.
Mörg líða þau fyrir sívaxandi átroðning ferðamanna og
slæma umgengni. Víða er gæzla og eftirlit, þjónusta og
gerð stíga og girðinga til að vernda náttúruminjarnar
mjög af skornum skammti.
Umhverfisstofnun telur að grípa verði til tafarlausra aðgerða
til að hindra meiri skemmdir á níu svæðum. Efst á lista sinn setur
stofnunin Gullfoss og Geysi, Teigarhorn og friðlandið að Fjalla-
baki. Þá koma Reykjanesfólkvangur, Grábrókargígar og Hvera-
vellir og loks Surtarbrandsgil, Helgustaðanáma og Dyrhólaey.
Þessar niðurstöður koma ekki
nokkurn skapaðan hlut á óvart.
Það hefur legið fyrir um árabil
að ýmsar fallegustu náttúru-
perlur landsins liggja undir
skemmdum vegna ágangs ferða-
manna. Ferðamönnunum hefur
fjölgað um tugi þúsunda árlega,
en litlir sem engir peningar hafa
verið settir í að gera friðlýstum
svæðum til góða. Því er spáð að eftir tíu ár komi milljón ferða-
manna hingað til lands árlega. Tæplega 70% ferðamanna sem
hingað koma heimsækja Gullfoss og Geysi. Hvernig ætlum við
að taka á móti 700.000 manns á því viðkvæma svæði?
Lausnin á þessum vanda hefur sömuleiðis legið í augum uppi
í mörg ár. Hún er að taka gjald af ferðamönnum sem skoða vin-
sælar náttúruperlur og nota tekjurnar til að bæta eftirlit, aðstöðu
og þjónustu. Þetta gera allar sæmilega þróaðar þjóðir og allir
sæmilega þróaðir ferðamenn borga slíkan aðgangseyri með glöðu
geði, enda skilja þeir að það kostar peninga að veita aðgang að
friðlýstum svæðum og umgangast þau þannig að þau liggi ekki
undir skemmdum.
Einhverra hluta vegna hefur gjaldtaka af þessu tagi verið
hálfgert tabú hér á landi og stjórnmálamenn hafa aldrei þorað
að taka um hana ákvörðun. Ferðaþjónustan hefur beitt sér gegn
gjaldtökunni af undarlegri skammsýni. Það liggur í augum uppi
að ef náttúruperlur Íslands verða átroðningi og sóðaskap að bráð
skaðar það hagsmuni ferðaþjónustunnar til frambúðar.
Svandís Svavarsdóttir umhverfisráðherra segir í Fréttablaðinu
í gær að skapa verði tekjustofn til að sinna friðlýstum svæðum
betur. Hún segist þar horfa fyrst og fremst til komugjalda, sem
lögð verði á ferðamenn sem komi inn í landið. Það er hins vegar
ekki mjög sanngjörn gjaldtaka. Margir ferðamenn sem hingað
koma hafa engan áhuga á Gullfossi, Geysi og hinum náttúru-
perlunum og halda sig kannski bara á djamminu í 101 Reykjavík.
Af hverju ættu þeir að borga fyrir náttúruunnendurna?
Því svarar sjálfsagt einhver að sums staðar sé auðvelt að taka
aðgangseyri, en annars staðar flókið. Til er einföld lausn á því
vandamáli; að taka gjald þar sem það er auðvelt og sleppa því
þar sem það er erfitt en láta tekjurnar renna til þeirra staða þar
sem þörfin er mest.
Það er kominn tími til að menn hætti að mikla þetta mál fyrir
sér og fari einföldu, augljósu leiðina.
Náttúruperlur liggja undir skemmdum vegna
ágangs ferðamanna og peningaskorts.
Einföld lausn
Ólafur Þ.
Stephensen
olafur@frettabladid.is
SKOÐUN