Fréttablaðið - 19.11.2010, Qupperneq 76

52 19. nóvember 2010 FÖSTUDAGUR
Bíó ★★★
Unstoppable
Leikstjóri: Tony Scott. Aðalhlutverk: Denzel Washington, Chris Pine,
Rosario Dawson.
Hasar í lestinni
Klaufskur lestarstjóri
hoppar úr járnbrautarlest
á hægri ferð til þess að
laga eitthvað. Hann treystir
á að geta farið aftur um
borð en skyndilega eykur
lestin hraðann. Hann hafði
bæði skilið hana óvart eftir
í einhverjum ofurgír og
einnig gleymt að tengja
bremsurnar. Hann missir
því bókstaflega af lestinni
sem brunar mannlaus burt
á ógnarhraða. Það eru
síðan Denzel Washington
og Chris Pine sem fá það
ömurlega hlutskipti að
reyna að ná lestinni og
bjarga deginum.
Eins og lesendur eru eflaust búnir að átta sig á þá er ég enginn sérfræð-
ingur um járnbrautir. Það má því vera að lýsing mín á orsökum lestarhvarfs-
ins séu ófullnægjandi. Það kemur þó ekki að sök því Unstoppable er ein
af þessum myndum sem óþarfi er að segja frá í fleiri en einni setningu.
Mannlaus lest þýtur á móti umferð og allt fer í klessu. Það er nákvæmlega
það sem myndin fjallar um.
Tony Scott getur gert svona mynd með lokuð augu og hendur fyrir aftan
bak. Unstoppable er gífurlega spennandi og hasarnum linnir ekki fyrr en
titlarnir rúlla í lokin. Árið 1985 var kvikmyndin Runaway Train með þeim
Jon Voight og Eric Roberts frumsýnd. Ef þú hefur ekki séð hana máttu mín
vegna bæta einni stjörnu við þessa rýni. Efnistök myndanna eru afskap-
lega svipuð og heilu atriðin eru nákvæmlega eins. En það er svo sem ekki
bannað.
Haukur Viðar Alfreðsson
Niðurstaða: Hressandi og stressandi hasar. Ekki hugsa of mikið samt.
Tónlist ★★★
Jukk
Prinspóló
Skemmtilegt
jukk
Jukk er önnur plata Prinspóló,
en sú fyrri Einn heima EP sem
kom út í fyrra vakti athygli fyrir
skemmtilega texta og flutning.
Á fyrri plötunni sá Svavar Pétur
Eysteinsson um allan söng og
hljóðfæraleik, en á nýju plötunni
er Prinspóló orðin fjögurra manna
hljómsveit. Það góða er samt að
þó að tónlistin hafi þróast nokkuð
er „heima í herbergi“-hljómurinn
enn þá til staðar á Jukkinu.
Styrkur Prinspóló er sem fyrr
snilldartextar, skemmtilegur flutn-
ingur og ómótstæðilegur „lo-fi“
hljómur, en veikleikinn eru laga-
smíðarnar sem eru sumar frekar
þunnar. Bestu lögin á Jukkinu
eru Prinspóló, Hakk og spaghetti,
Njótum afans, Niðrá strönd og
Mjaðmir. Allt fyrirtaks jukk sem
léttir lund í skammdeginu. Jukk.
Trausti Júlíusson
Niðurstaða: Prinspóló gleður með
góðu jukki.
SPAUGSTOFAN
LAUGARDAGA
Yfirlitssýning á verkum
Karls Kvaran listmálara var
opnuð í Listasafni Íslands
á miðvikudagskvöld. Karl
þykir einn af framsýnustu
málurum þjóðarinnar og því
er það mörgum fagnaðar-
efni að nú séu verk hans
sýnd. Fjöldi fólks var mætt
í Listasafnið á opnunina en
sýningin verður opin fram í
febrúar á næsta ári.
Glæsileg sýning í Listasafninu
Bára Þorgrímssdóttir, Ólafur Jónsson og
Steinþór Gunnarsson.
Halldór Björn Runólfsson, forstöðu-
maður Listasafns Íslands, og Margrét
Auðuns eiginkona hans.
Grétar Birgisson og Sighvatur Arn-
mundsson.
Gestir gerðu góðan róm að sýningunni í
Listasafni Íslands.
Hljómsveitin Kings of Leon aug-
lýsti á dögunum eftir vansköp-
uðu, óaðlaðandi og illa förnu fólki
í myndband við lagið Pyro. Þeir
sem eru með slæm ör og líta út
fyrir að vera tregir eru einnig
velkomnir.
Hljómsveitin býður þeim sem
slá til 300 dali á dag fyrir að leika
í myndbandinu, eða um 40 þús-
und íslenskar krónur. Þeim sem
hafa áhuga er bent á að mynd-
bandið verður tekið upp í dag í
Bandaríkjunum. Það er því orðið
of seint að sækja um – sama
hversu vanskapaður sem þú
kannt að vera.
Vill vanskap-
aða í nýtt
myndband
SNOPPUFRÍÐIR Drengirnir í Kings of
Leon vilja ekki að neinn sé sætari en
þeir í nýju myndbandi.
Breska hljómsveitin White Lies
hefur sent frá sér myndband við
lagið Bigger
than Us.
Myndbandið
má finna á
vefsíðu tón-
listarblaðs-
ins NME, en
lagið er það
fyrsta sem
hljómsveit-
in sendir frá sér síðan platan To
Lose My Life … kom út í fyrra.
Lagið kemur út á plötunni
Ritual snemma á næsta ári.
„Ritual fjallar um ást með blöndu
af trúarbrögðum – það er mikið
af trúarlegu myndmáli,“ segir
söngvarinn Harry McVeigh um
plötuna.
Nýtt lag frá
White Lies
SNÚA AFTUR Strákarnir
í White Lies senda frá
sér plötu í janúar.
ÁNÆGJULEG OPNUN Í
LISTASAFNI ÍSLANDS Lena
Mjöll, Guðrún Lilja Kvaran
og Sigurður Orri voru
meðal gesta á opnunni á
miðvikudagskvöld.
FRÉTTABLAÐIÐ/VALLI