19. júní - 19.06.2001, Side 31

Kynferðisleg áreitni varðar við lög
Kynferðisleg areitm er sktlgreind í lögum um jafnan rétt kvenna og karla.
Þar segir: „Kynferðisleg áreitni er kynferðisleg hegðun sem er ósanngjörn og/eða
móðgandi og i óþökk þess sem fyrir henni verður, hefur áhrif á sjálfsvirðingu þess
eða þeirra sem fyrir henni verða og er haldið áfram þrátt fyrir að gefið sé skýrt í
skyn að hegðunin sé óvelkomin. Kynferðisleg áreitni getur verið líkamleg,
orðbundin eða táknræn." í lögunum segir ennfremur: „Eitt tilvik getur talist
kynferðisleg áreitni ef það er alvarlegt."
Sá sem gerist sekur um kynferðislega áreitni er skaðabótaskyldur, þ.e. brot hans
getur varðað sektum sem renna í ríkissjóð. „Ennfremur má dæma hlutaðeiganda til
að greiða þeim sem misgert er við, auk bóta fyrir fjártjón ef því er að skipta, bætur
vegna miska.
Samkvæmt upplýsingum frá Jafnréttisstofu hefur aldrei reynt á þessi
ákvæði laganna fyrir dómstólum.