19. júní - 19.06.2001, Qupperneq 49

innheimta. Það var Ijóst að beíta þyrfti mjög óvenjulegum aðferðum til þess að ná athygli, umræðu og viðunandi árangri með svo
litlu fjármagni. Það gerðum við. Við tókum þann kost að tengja forystufólk flokkanna við verkefnið til að tryggja málefninu fylgi, sýna
alvöru skilaboðanna. Eftir það yrði ekki aftur snúið. Hins vegar komu foringjarnir ekki fram á hefðbundinn hátt, það hefði enga
umræðu hlotið og hana urðum við að fá. Við settum þá þess vegna í óhefðbundin og vægast sagt djörf hlutverk með þeim
afleiðingum að fjölmiölarnir tóku rækilega við sér og málið fékk feikna umræðu. Nefndin og stjórnmálamennirnir, sem komu fram í
auglýsingunum, sýndu okkur mikið traust og samstarfsvilja þannig að dæmið gekk upp.
Ragnheiður: Karlpeningurinn var reyndar dálítið tregur þegar á hólminn var komiö, þ.e. þegar myndatakan hófst. Nema kannski
Steingrímur J. Sigfússon sem birtist kasóléttur á einni auglýsingunni og virtist bara hæstánægður með það.
Ólöf: Þessi herferð vakti óskipta athygli þótt þetta væru einungis hálfsíðuauglýsingar og hver þeirra fengi bara eina birtingu. Þær
hafa síðan farið vítt um Evrópu, birst í jafnréttistímaritum og verið notaðar í tengslum við fyrirlestra. Toppurinn var líklega klukku-
tíma umfjöllun á BBC um jafnréttisbaráttu, þar sem þessi íslenska herferð var útgangspunktur. Það er trúlega sjaldgæft að auglýs-
ingar frá íslandi veki jafn mikla athygli á erlendri grundu.
Ragnheiöur: Við erum enn að fá alls konar beiðnir og fyrirspurnir í tengslum við þessar auglýsingar.
Ólöf: Ég er stolt af því ef ég hef átt þátt í því að fjölga konum á Alþingi og breyta viðhorfi gagnvart þátttöku kvenna í stjórnmálum.
Viljið þið gefa konum, sem standa í svipuðum sporum og þið gerðuð fyrir 11 árum einhver góð ráð í lokin?
Ragnheiðun Það er náttúrulega fyrst og fremst að trúa á sjálfa sig sem skiptir öllu máli og muna að gefast ekki upp þótt á móti blási.
Ólöf: Að vera kona er kostur en ekki baggi. Mundu það, kona góð, og haltu áfram!
47