Frjáls verslun - 01.04.2002, Qupperneq 77

ÍSLENSK SKÓVERSLUN í NOREGl
„Við vildum ekki vera með öll eggin í einni körfu svo að við ákváðum að afla okkur
fleiri skómerkja. Okkur fannst liggja vel við að fá skó frá öðrum íslendingum. Skórnir
frá Logo69 seljast mjög vel.“
fleiri skómerkja. Okkur fannst liggja vel við að fá skó frá öðrum
íslendingum. Skórnir frá Logo69 seljast mjög vel. Við erum
nýbyijaðir að taka þá inn og þeir rjúka út,“ segir Gunnar Björn.
Einhveijum kann að koma á óvart að Islendingar hafi áhuga
á að hasla sér völl í skóverslun í Noregi en það er ekki jafn flar-
stæðukennt og það kann að hljóma. Gunnar Björn segir að þrátt
fyrir ýmsa örðugleika hafi fyrirtækinu gengið mjög vel það sem
af er í Noregi og færir rök fyrir því að heppilegt sé að selja skó
þar og sérstaklega að hafa Stavangur sem stökkpall. „Kvadrat
er stærsta verslunarmiðstöðin í Noregi og því einn besti staður-
inn til að byija á. Fjölskylda Sigurðar Róbertssonar á heima í
Stavangri, hann ólst þar upp í tíu ár og talar norsku reiprenn-
andi. Ég stundaði framhaldsnám í Noregi og bjó þar í fimm ár
þannig að þetta er að mörgu leyti eins og heimamarkaður fyrir
okkur. Við þekkjum norska markaðinn afskaplega vel og þá
Sigurður sérstaklega Stavangur. Oft er ekki nægilegt að hafa
góða vöru til þess að selja heldur skiptir söluaðgengi miklu
máli. Það er jafntramt mjög erfitt að komast með nýjar verslanir
inn í stórar verslunarmiðstöðvar eins og Kvadrat, þar sem
ekkert pláss er á lausu og nokkur hundruð verslanir bíða eftir
að komast þar inn. Menn eiga erfitt með að skilja að við
skyldum hafa náð þessu og það er í sjálfu sér kraftaverk.
Verslunarstjórinn okkar í Stavangri, Asta Róbertsdóttir, lagði
mikla vinnu í að útvega okkur verslunarpláss þar og hún á
heiðurinn að því ásamt Sigurði," segir Gunnar Björn.
Dyrnar að opnast Skómarkaðurinn í Noregi er nærri óplægður
akur, að mati Gunnars Björns, verslanirnar hefðbundnar og lítið
um tískuverslanir fyrir skó. Þetta er þó á góðri leið með að breyt-
ast ef Noris Gruppen fær einhverju um ráðið og það er ástæða til
bjartsýni. Skóverslunum Noris Gruppen hefur verið afar vel
tekið. Sem dæmi má nefna að eitt stærsta eignarhaldsfélag
Noregs, Steen og Ström, sem á verslunarmiðstöðina Kvadrat,
hefur tekið verslununum vel og auglýst þær sem hið nýja brum í
Jjölmiðlum. Það sama gildir um eignarhaldsfélagið Olav Thon
Gruppen sem hefur boðist til þess að auglýsa skókeðjuna með
sjónvarpsauglýsingum sem ná um land allt. „Fyrir atbeina
þessara aðila hafa margar dyr opnast,“ segir hann. Okkar versl-
anir skera sig úr hinum hefðbundnu og þungu skóverslunum.
Verslanirnar eru stórar, bjartar og fallegar, með tónlist og þijú til
fjögur sjónvörp í hverri búð. „Við leggjum mikið upp úr því að
það sé stemmning í verslununum og hafa hönnun þeirra opna. I
Kvadrat flarlægðum við t.d. alla milliveggi og opnuðum búðina.
Gunnar Björn Gunnarsson, starfandi stjórnarformaður Noris Gruþþen A/S í Noregi. Fyrirtœkid er meðfimm verslanir á sínum snærum í Osló
og Stavangri. Gunnar Björn vonast til að geta oþnað fyrstu verslunina í Svíþjóð í byrjun næsta árs.
77