Frjáls verslun - 01.09.2002, Page 22

FORSÍÐUEFNI HÓFflDYNUR fl HLUTflBRÉFfl MflRKflÐI
S-HÓPURINN KflUPIR BÚNAÐARBANKA
ótt nú standi yfir viðræður við S-hópinn svo-
nefnda um kaup á 45,8% hlut í Búnaðarbank-
anum á um 11,5 milljarða króna þá þarf ekkert
frekar að spá í þau spil, það er löngu búið að
ákveða að S-hópurinn fái Búnaðarbankann. Salan
á bæði Búnaðarbankanum og Landsbankanum
er pólitísk sala. Þetta eru tvö mál sem hanga á
sömu spýtunni og hugsunin er þessi: Fyrst Sam-
son fær Landsbanka þá fær S-hópurinn Búnaðar-
banka. Það er einungis sjónarspil að búa til ein-
hveija spennu í kringum þessar viðræður núna
og velta því fyrir sér hvort af þeim verði. S-hópur-
inn samanstendur af Eignarhaldsfélaginu And-
vöku, Eignarhaldsfélaginu Samvinnutrygg-
ingum, VIS, Kaupfélagi Skagfirðinga, Keri og
Samvinnulífeyrissjóðnum. Vegna kaupanna á
Búnaðarbankanum hefur hópurinn fengið franska bankann
Societe Generale í lið með sér og jafnvel er rætt um að fleiri
erlend ijármálafyrirtæki komi að kaupunum.
Shópurinn kaupir efdr sömu formúlu og Samson í Lands-
bankanum, þ.e. 90 daga meðalgengi verður haft til viðmiðunar.
Verðhugmynd S-hópsins er sögð verða gengi á bilinu 4,2 til 4,7
en reiknað er með að verðið endi í genginu 4,6 sem
þýðir að S-hópurinn kaupir 45,8% hlut ríkisins á um
11,5 milljarða. Hagnaður Búnaðarbankans var 1,7
milljarðar eftir skatta fyrstu níu mánuði þessa árs
og arðsemi eiginfjár 18% eftir skatta. Bankinn hefur
tvöfaldast að stærð á tæpum þremur árum. Foringi
S-hópsins, Þórólfur Gíslason, kaupfélagsstjóri
Kaupfélags Skagfirðinga, er fyrrverandi banka-
ráðsmaður í Búnaðarbanka og einsýnt þykir að
hann taki við formennskunni í bankaráðinu þegar
kaupin verða formlega frágengin. Kaldbakur, (Kea
66%, Samherji 17% og Iifeyrissjóður Norðurlands
17%), fór í svonefndar könnunarviðræður við
einkavæðingarnefnd um kaup á bankanum en það
fór eins og flestir sáu fyrir; bankinn var frátekinn
fyrir S-hópinn. Að vísu töldu margir að hópurinn
væri of skuldugur og hefði ekki ráð á kaupunum, en eftir að liðs-
styrkur barst frá VIS og Societe Generale urðu Jjárráðin rýmri.
Fróðlegt verður að fylgjast með því hvað verði um Gildingarhóp-
inn sem hefur aukið hlut sinn í Búnaðarbankanum undanfarnar
vikur og varð til þess að gengi bréfa í bankanum hækkaði og
fyrir vikið þarf S-hópurinn að greiða hærra verð enn ella. S9
Finnur Ingóljsson, forstjóri
VIS, mun ganga frá kaup-
unurn á Búnaðarbank-
anum fyrir hönd S-hópsins.
SAMSON KflUPIR LANDSBANKA
Sala Landsbanka og Búnaðarbanka er söguleg stund í tslenskri athafna-
sögu.
Það er ekki mörgum blöðum um það að fletta að kaup Sam-
sons eignarhaldsfélags ehf., félags þeirra Björgólfs Thors
Björgólfssonar, Björgólfs Guðmundssonar og Magnúsar Þor-
steinssonar, á 45,8% hlut í Landsbankanum á 12,3 milljarða eru,
líkt og kaup S-hópsins á jafnstórum hlut í Búnaðarbankanum,
söguleg þáttaskil í íslenskri athafnasögu. Verðið sem Samson
greiðir fyrir hlutabréfin í bankanum er gengið 3,91 sem er 6,1%
hærra en svonefnt 90 daga meðalgengi og 12% hærra en var í
útboðinu í júní sl. þegar 20% hlutur í bankanum seldist á um
hálfri klukkustund. Samson greiðir í Bandaríkjadölum og ætlar
ríkið ekki að taka peningana inn í landið heldur nota þá erlendis
til að greiða niður skuldir. Enn á formlega eftir að skrifa undir
kaupsamninginn en það verður gert fyrir lok þessa mánaðar
þegar kaup S-hópsins verða einnig formlega frágengin.
Fyrir aðeins tíu árum hefði sala ríkisins á Landsbanka og
Búnaðarbanka þótt svokölluð stórabomba og þótt fyginni lík-
ast. Þótt það hafi á þeim tíma verið á stefnuskrá ríl-dsstjórnar
Sjálfstæðisflokks og Alþýðuflokks að selja ríkisbankana vofði
það einhvern veginn yfir að hugur fylgdi ekki máli þar sem
sagan sýnir að það reynist stjórnmálamönnum erfitt að sleppa
taumhaldi á ríkisfyrirtækjum og hvað þá bönkunum og afsala
sér völdum og afskiptum.
Eflaust verða menn lítt varir við eigendaskiptin fyrst um
sinn því bæði Landsbankinn og Búnaðarbankinn hafa verið
reknir sem frískir einkabankar undanfarin ár fremur en stirð-
busalegir ríkisbankar. Þess vegna eru þeir verðmætir og þess
vegna er ríkið að fá 24 milljarða fyrir hlut sinn í báðum bönk-
unum núna. Þeir sem standa að Samson og S-hópnum hafa
sýnt á skákborði viðskiptanna að þeir eiga auðvelt með að
hugsa nokkra leiki fram í tímann þegar kemur að kaupum og
samrunum á öðrum fyrirtækjum. Ekki er nokkur vafi á að
Samson-hópurinn horfir núna til útlanda með frekari vöxt
Landsbankans í huga en á alþjóðavettvangi hafa Björgólfs-
feðgar og Magnús sýnt góðan árangur. Þá hafa velheppnuð
kaup Landsbankans á Heritable-bankanum í London sýnt þeim
hvað hægt er að gera ef rétt er haldið á spilunum. Stefnan er
örugglega sú að skrá Landsbankann á erlendan hlutabréfa-
markað. Að vísu spá sumir því að Samson hetji fyrst viðræður
við Kaupþing sem er að renna saman við sænska bankann JP
Nordiska og er skráning Kaupþings í Kauphöllinni í Stokk-
hólmi fyrirhuguð fyrir lok þessa mánaðar. 33
22