Frjáls verslun - 01.09.2002, Síða 48
Biskup rétttrúnaðarkirkjunnar í Búlgaríu
blessaði hina nýju verksmiðju Pharmaco í
Búlgaríu í næstum tuttugu mínútur.
Blessunarorð hans voru tónuð á pann hátt að
eftir situr einhver eftirminnilegasta vígsla á
verksmiðju sem menn hafa orðið vitni að!
Eftir Jón G. Hauksson Myndir: Geir Ólafsson
Fas biskupsins var rólegt og ásjónan yfirveguð. Og hann
lét í sjálfu sér ekki mikið yfir sér fyrir framan prúðbúna
gesti Pharmaco í Búlgaríu þar sem hann gerði sig klár-
an fyrir athöfnina. Þetta var hins vegar lognið á undan storm-
inum.
Blessunarorð hans yfir nýrri lyijaverksmiðju Pharmaco
voru flutt á þann hátt að eftir situr einhver eftirminnilegasta
vígsla á verksmiðju sem flestir viðstaddra höfðu orðið vitni
að. Hann baðaði út höndum, tónaði og gusaði af gnægtar-
borði sínu - sem samanstóð af brauði, vígðu vatni, víni og
blómvendi - yfir gesti, verksmiðju, myndavélar ljósmyndara
og allt sem fyrir varð. Erkibiskupsins boðskapur var góður
og brauðið ekki síðra. Það fór hálfpartinn um viðstadda þeg-
ar biskupinn var sem ákafastur, slíkur var hamurinn. Þarna
voru forseti Islands, Olafur Ragnar Grímsson, og forseti
Búlgaríu, Georgy Parvanov, auk um 180 boðsgesta
Pharmaco frá Islandi sem og fjölda búlgarskra gesta og
starfsmanna. Það kom í hlut forsetanna tveggja að klippa á
borðann og opna verksmiðjuna formlega, en hún tekur til
starfa eftir áramótin.
Lyfjaverksmiðjan sem biskup blessaði af svo miklum til-
finningahita heitir hinu skemmtilega nafni Tafla 3 og mun -
eins og nafnið bendir til - fyrst og fremst framleiða töflur og
hylki. Þetta er ný verksmiðja Balkanpharma í Búlgaríu, dótt-
urfélags Pharmaco, í borginni Dupnitza, og fyrsta töfluverk-
smiðjan þar í landi sem byggð er fyrir GMP gæðastaðla Evr-
ópusambandsins. Hún kostaði 15 milljónir dollara, um 1,4
milljarða króna, og var reist á einu ári. Breska fyrirtækið The
Austin Company hafði yfirumsjón með hönnun og fram-
kvæmd verksins. Framleiðslugeta hennar verður um 3 millj-
arðar taflna á ári sem er um þrefalt meira en hjá verksmiðju
Delta í Hafnarfirði, en hún er fullkomnasta verksmiðja
Pharmaco-samstæðunnar. Austin Company hafði reyndar yfir-
umsjón með hönnun og framkvæmd þeirrar verksmiðju líka.
48