Frjáls verslun - 01.07.2003, Side 8

Við seljum steypu
- í öllum myndum
Loftorka í Borgarnesi hefur sterka stöðu á ísienskum bygginga-
markaði og er þekkt fyrir steypusölu, forsteyptar einingar og rör.
Ilitlu samfélagi tengjast menn oft nánum böndum og nágranninn er
ef til vill samstarfsmaður, undirmaður eða yfirmaður eftir atvikum.
„Það gerir meðal annars að verkum að við förum ekki sömu leið og
sum fyrirtæki á stærri stöðum þar sem fólki er sagt upp ef minni
atvinna er um tíma," segir Konráð Andrésson, annar tveggja stofn-
enda Loftorku í Borgarnesi, þar sem nú vinna rúmlega 70 manns allt
árið og fleiri á álagstímum. Loftorka er stærsta fyrirtæki í Borgarnesi
og nágrenni en saga þess nær yfir 40 ár aftur í tímann.
Stækkun í áföngum
Fyrirtækið hefur smátt og smátt verið að stækka. Framleiðslan
hefur aukist og orðið fjölbreyttari og verið er að byggja við og
stækka verksmiðjuna um 2000 fm. „Við notum þann tíma sem við
höfum aflögu til að bæta við okkar eigið húsnæði," segir Andrés
Konráðsson, sem tekinn er við af föður sínum og er framkvæmda-
stjóri Loftorku Borgarnesi ehf. „Okkur er enginn akkur í því að setja
hraðamet í að byggja húsið þó svo það væri ef til vill ágætis aug-
lýsing fyrir okkur. Framleiðslan gengur fyrir."
Þegar gengið er um verksmiðjuna kemur fljótt f Ijós að ekki er
aðeins verið að framleiða steypu eða forsteyptar einingar. f einu
húsi eru smíðaðir gluggar og hurðir, í öðru er steypustyrktarjárn
bundin í veggi, bita og súlur, allt eftir teikningum.
Forsteyptar einingar af öllum stærðum og gerðum eru svo
framleiddar í steypuskálanum en Andrés segir verksmiðjuna geta
framleitt nánast hvaða byggingarhluta sem er og með margvíslegri
áferð, allt eftir óskum kaupandans hverju sinni.
„Við viljum selja eins mikið af steypu og hægt er. Okkar samkeppnismöguleikar felast í því að búa til steypu sem er ódýr en
við höfum nær ótakmarkaðan aðgang að frábæru hráefni," segir Andrés Konráðsson, framkvæmdastjóri Loftorku. Með
honum á myndinni er Konráð Andrésson, forstjóri og annar tveggja stofnenda Loftorku. Myndir: Geir Ólafsson
8
KYNNING