Morgunn - 01.12.1984, Side 50

124
MORGUNN
lífsreynslu leggur hún frá sér lægri líkamana þrjá og býr
sig undir að bæta nýjum fjársjóði í reynslubanka sinn.
Þetta er gangur framþróunarinnar. Ferðahraðinn er
undir einstaklingnum kominn og ræðst af hæfni hans til
að verða sér úti um rétta reynslu og af því hlutfalli stjórn-
unar sem honum hefur auðnast að ná á líkömum sínum.
Þetta er hinn raunverulegi þroski sem hann hefur öðlast
á því að takast á við lexíur lífs síns. Þar af leiðir að marg-
ar fæðingar og mörg andlát þarf til að sálin nái marki
sínu á hinni óralöngu göngu í tima og rúmi.
Líkamar eru ágætir þjónar en geta verið harðir stjórn-
endur ef einstaklingnum tekst ekki að beygja þá undir
stjórn sína. Áhrifaríkasta viðhorfið sem maðurinn getur
alið með sér gagnvart þeim er vel lýst í bæklingnum
„Við fótskör Meistarans“, sem skrifuð er af J. Krisna-
murti undir höfundarnafninu Alcyone.
„Líkaminn er hestur sá sem þú ríður. Þú verður að
hugsa vel um hann og fara vel með hann, þú mátt ekki
ofreyna hann, þú verður að fæða hann vel á ómenguðum
mat og drykk og halda honum ávallt hreinum. Því án full-
komlega hreins og heilsuhrausts líkama getur þú ekki
sinnt hinu erfiða verki sem í undirbúningnum felst og
staðið undir hinni linnulausu spennu sem honum fylgir.
En það verður ávallt að vera þú sem stjórnar líkamanum
en ekki líkaminn þér“.
„Geðlíkaminn á sér hundruði langana, hann vill vera
reiður, láta frá sér hranaleg orð, finna til afbrýði, girnast
peninga, öfunda fólk af eigum þeirra, láta undan þung-
lyndi o. s. frv. Allt þetta og margt fleira þráir hann, en
ekki vegna þess að það sé ásetningur hans að skaða þig,
heldur vegna þess að honum fellur vel ofsafuliar tíðnis-
sveiflur og honum fellur vel að breyta þeim í sífellu. En
þú sækist ekki eftir neinum þessara hluta og þar af leið-
andi verður þú að læra að greina á milli langana þinna og
langana líkama þíns.“
„Huglíkami þinn leitast við að hugsa um sjálfan sig