Morgunn - 01.06.1990, Qupperneq 7

Ævar Jóhannesson:
UNDARLEG
ATBURÐARÁS
Inngangur
Síðastliðinn áratug hafa verið að gerast undarlegir atburð-
ir í lífi mínu, sem ég í fyrstu ræddi við fáa.
Þessir atburðir hafa stöðugt haldið áfram að koma fram og
virðast stefna að ákveðnu marki sem ég hef smátt og smátt
verið að gera mér ljóst.
I fyrstu var ég mjög tortrygginn og forðaðist að ræða þessi
mál við aðra en bestu vini mína. Síðan kom langt efasemda-
tímabil þar sem ég gat ekki annað en tekið eitthvað mark á
þessum síendurteknu atburðum, en var þó mjög tortrygg-
inn og með köflum vantrúaður.
Eftir því sem tíminn leið og fleiri einstaklingar flæktust inn
í atburðarásina dró úr tortryggni minni. Verði einhver ein-
staklingur fyrir undarlegri reynslu einn sér, getur hann
auðveldlega farið að hugsa sér að allt þetta sé upprunnið í
eigin vitund. Hann getur jafnvel ímyndað sér að geðheilsu
hans sé í einhverju ábótavant. Séu fleiri en einn vitni að því
sama, er hinsvegar lítil hætta á slíkum hugrenningum.
Það síðasttalda varð niðurstaðan hvað mig varðaði. Næst-
um því allir þeir undarlegu atburðir sem mig hafa hent,
tengjast öðrum einstaklingum og í tímans rás hafa fleiri og
fleiri, oft algerlega óskyldir aðilar, orðið hluti þessa púslu-
spils þar sem nýir og nýir bitar eru sífellt að koma í ljós og
skýra heildarmyndina.
5