Morgunn - 01.06.1991, Qupperneq 50

Vertu miðill blessunar
MORGUNN
Þó að það hafi verið mikil misklíð og úlfúð á milli okkar
pabba í mörg ár, þá var ég ekki í vafa um að við höfðum
jafnað karma okkar vegna þess að þegar hann dó þá bárum
við í brjósti okkar kærleika og virðingu til hvors annars.
Eftir því sem árin hafa liðið, þá hef ég orðið sífellt meira
vör við þá möguleika sem andinn hefur til þess að starfa í
gegnum viljuga miðla. Orð Jesaja spámanns hafa öðlast
fullkomið líf fyrir mér: „Hérna er ég, sendu mig."
Fyrir tveimur árum síðan þá veittist mér tækifæri til að
hjálpa á þann hátt sem mér hefði ekki dreymt um áður. Mér
hafði fundist um nokkurn tíma að á mig væri kallað til að
hjálpa til við áætlun um lestrar- og skriftarkunnáttu, þar
sem flóttamönnum var hjálpað til við að læra að lesa og
skrifa á ensku. Fyrsti nemandi minn var víetnamísk kona
sem átti tvö börn. Hún kunni ekki að tala orð í ensku og
þarna var ég að reyna að kenna henni að lesa á einungis 4
klukkustundum sem ég hafði yfir að ráða. Það þarf ekki að
taka fram að okkur miðaði mjög hægt og framfarir hennar
gengu hægar en flestra annarra því hún eyddi mestu af
námstímanum til þess að sinna börnunum sínum tveimur.
Ég hafði frétt það hjá félagsfræðingi að annað barnanna
væri veilt fyrir hjarta. Eftir u.þ.b. 6 mánaða kennslu þá gat
móðirin sagt mér frá áhyggjum sínurn varðandi son sinn.
Ég vissi að hún fór oft með hann til læknis en hún vildi leita
til hjartasérfræðings.
Ég pantaði tíma fyrir hana og fór með þau á spítalann.
Læknirinn sagði mér að hann hefði séð þetta barn við
fæðingu en það var þá sem það uppgötvaðist að hann hefði
fæðst með sérstakan hjartagalla. Þessi hjartagalli er lífs-
hættulegur ef ekkert er gert við honum en hægt er að
lagfæra hann með skurðaðgerð. Læknarnir höfðu viljað
skera upp strax eftir fæðinguna en móðirin hafði í ótta
sínum neitað að fallast á það og læknirinn hafði ekki heyrt
neitt af fjölskyldunni eftir það.
Ég gekk frá formsatriðum með honum vegna skurðað-
gerðarinnar þá þegar. Móðirin hlustaði á það sem læknirinn
hafði að segja og þegar við vorum að fara þá sagði hún mér
að hún vildi ekki að þessi skurðaðgerð yrði framkvæmd þar
48