Morgunn - 01.06.1991, Side 86

Útdráttur úr skýrslu
MORGUNN
aukist ört og er nú um stundir orðinn rétt um 3100 einstak-
lingar. Óhætt er að fuUyrða að svo margir hafa félagsmenn
aldrei verið áður í sögu félagsins.
Og oft og víða hafa menn spurt sjálfa sig og aðra hver sé
eiginlega ástæðan fyrir svo geysilega auknum áhuga fólks
á þessu og tengdum málefnum. Því er vissulega erfitt að
svara. Mín skoðun er þó sú að hluta skýringarinnar megi
finna í sífellt aukinni fjölmiðlun og opnara samfélagi yfir-
leitt. Ég held að hinn svo oft nefndi þögli meirihluti hafi alla
tíð haft mikinn áhuga á svo kölluðum dulrænum málefnum
en þessi þögli meirihluti hefur einfaldlega í gegnum tíðina
ræktað sinn áhuga í kyrrþey. Hér spilar einnig inn í tel ég,
að áhersla starfsins hefur færst lítillega til, á þann veg að
farið er að vinna meira með einstaklingnum sjálfum, kenna
fólki að greina meir eigin hæfileika, opna fyrir því heim
ótæmandi möguleika til skynjunar. Skynjunar sem í raun-
inni hefur alltaf verið fyrir hendi en sem fólk oft á tíðum ekki
hefur gert sér grein fyrir að það væri að beita. Þessu höfum
við hjá Sálarrannsóknafélagi íslands fylgt eftir og um leið
gert okkur grein fyrir að þetta væri krafa félaganna og
tímans í dag. Þannig höfum við breitt nokkuð úr starfsem-
inni, m.a. tekið inn hugleiðsluþjálfun og djúpslökun, leið-
beint fólki sem hefur leitað til félagsins og frætt það um
dulræna hæfileika, stuðlað að þjálfun miðla og heilara, auk
hefðbundins miðla- og huglæknastarfs.
En upp úr stendur samt sem áður, þrátt fyrir ýmsar nýjar
áherslur í starfinu, þungamiðja þess nú sem og áður, þ.e.
sjálft miðilsstarfið og huglækningamiðlunin. Og þar kem ég
enn að einum þætti hins geysimikla áhuga fólks á starfsemi
Sálarrannsóknafélagsins, en það er nú staðreynd að nú
starfar á vegum þess íslenskur miðill, Þórunn Maggý Guð-
mundsdóttir. Maggý hefur sýnt það ogsannað að hæfileikar
hennar eru ótvíræðir og margar þær sannanir sem hún
hefur lagt á borð verið mjög góðar.
Ég minntist hér áðan á hinn þögla meirihluta sem í gegn-
um tíðina hefði alltaf fylgt spíritismanum að málum, þó ekki
hefði kannski hátt farið. Þar hefur forsjónin líka, eða þjónar
hennar á eilífðarbrautinni, lagt sitt af mörkum. 1 gegnum
84